What is the difference between " HAVING A CRUSH " on someone and " FALLING IN LOVE "
You think you're falling in love ? You are really attracted to a certain person ? But this has happened before , and it was just a " CRUSH " .. How can you tell if it's real this time ?
IF YOU ARE FALLING IN LOVE , …..
· You will find yourself talking to or telephoning the person for no reason
· You will find yourself bringing this person into every conversation
· You might suddenly be interested in things you used to avoid
OK , SO YOU HAVE FALLEN IN LOVE
BUT Falling in love is one thing , and staying in love is another
HOW CAN YOU TELL , AS TIME PASSES THAT YOU ARE STILL IN LOVE ?
If you stay in love your relationship will change ….
. You might not call him or her so often. But this person will nevertheless become more and more important in your life .
. You will find that you can be yourself with this person :
When you first fell in love , you were probably afraid to admit certain things about yourself . But now you can be totally honest.
You can trust him or her to accept you just as you are.
FINALLY FALLING IN LOVE IS GREAT – STAYING IN LOVE IS EVEN BETTER
وبعد حصة " فوولوو مــي " اللى انا اديتهالكم دى فانا حابة أقول ان المقالة دى قريتها من كام شهر بس علقت معايا جدا ورغم بساطتها الظاهرية انى لما فكرت فى الكلام لقيته حقيقى اوى
: وطلعت من الكلام دا بشوية حاجات اللى هما
اولا : احنا عاااادى اننا ننجذب لحد بشكله او عقله او طريقة كلامه او أفكاره او نستغرب هو قد ايه فاهمنا او حاسسنا من غير ما نتكلم
بس لو ركزنا وفكرنا .. هل دا معناه اننا بنحبه ؟؟
وعلى العكس احنا ممكن نكون بنحب حد مكفر سيئات أهلنا ولا فاهمنا ولا حاسسنا ومش طايقين بعض 48 ساعة فى اليوم
: لكن لما نسأل نفسنا عن الشخص الاولانى
هل دا احنا المفروض هنحبه علشان كم المميزات الرهيب اللى بيديهالنا ؟؟
هتكــــون الاجابــــــة لأ طبعـــــــا
ولو سألنا نفسنا هل الشخصية التانية
برغم كل العيوب اللى من غير حصر دى بنحبهــا ؟؟
هتكــــون الاجابــــــة أكـيد أيـــوة
ثانيا : ان فعلا الحد اللى احنا بنحبه دا بنحشره فى كلامنا كأنه واجب قومى على اللى بنتكلم معاه لغاية ما اللى قدامنا احتمال يولع فينا ويمشى .. بتحصل بتحصل الانكار مفيش منه فايدة
ثالثا : انـــك تكــــون نفســـك مـــع انســـان
و دى حاجــة مــش سهلـــة ابـــــداااا
يعنى وانت صاحى من النوم بعماصك وعليك غضب الله ومش مركز ولا فاهم الحياة فيها ايه لسة وتفضل مهنج واللى قدامك شايف المنظر دا ويضحك مش يبدأ يفكر فى المنظر اللى هيصطبح بيه كل يوم دا
حريتك فى طريقة أكلك وشربك وطريقة كلامك والفاظك حتى فى التهريج
سألت واحدة كانت اتعرفت على بنت وقالوا انهم ارتبطوا بس الموضوع مكنش داخل دماغى فقلت لها بذمتك يا شيخة بقى دى انتى ممكن تطلعى قدامها المواهب اللى كنتى بتطلعيها قدام حبيبتك القديمة من كلام وحركات ؟؟ فقالت لى لأ طبعا .. وقتها انا ضحكت أوى وهى فهمت اللى ورا ضحكتى
علشان كده بقول الحبيب هو اللى نقدر نكون قدامه احنا من غير اقنعة الشياكة والاتيكيت وبرتوكلات ايه اللفظ اللى ممكن نقوله وايه اللى يبقى اياااه كيسكيلياه نأجله لبعدين لما نعيش سوا فعليا ومواهب كل واحد تظهر
رابعا : وهى مهمة ، انك تحب حد جايز جدااااا لكن ان الحب دا يستمر سنين ؟؟
" وانا اقصد ان الحب نفسه هو اللى يستمر سنين مش العلاقة نفسها لان شاتان بين المعنين
هو دا بقى السؤال الصعب اللى لازم كل واحد يواجه نفسه بيه
: وزى مــا الغنـــوة بتقـــــــــــول
بيقولو الحب بيقتل الوقت .. بيقولو الوقت بيقتل الحب
بيقولو الحب بيقتله الوقت والسنين والتعود والملل
انا شخصيا شايفة انها وجهة نظر غلط وان الاشخاص اللى فى العلاقة هما اللى بينجحوها او بيخلوها تفشل
لو هما اشخاص روتينية ونمطية بطبعهم يبقى لازم الحب هيفطس ويموت منهم
الحب زي النبتة اللى محتاجة ناس جواهم حياة علشان يعيش ويستمر زي ما النبات محتاج مية وهوا علشان يعيش
دلوقتــى بقــى جـــه دوركــــم انتــــوا
ايـــه رأيكـــم فــــى الكـــلام دا كلـــــه ؟
ومعلش البوست طلع طويل وهتزقوا وانتو بتقروه .. بس مش مشكلة انا دايما تعبى راحة
أنتو ممكن تقروا كل يوم سطرين وتريحوا .. يدوبك اكون انا مسحت البلوج خااااالص
27 comments:
سما
وحيات ربنا مش عارفة اقولك اية انا توهت من فوق لتحت ومن تحت لفوق حسة انة عقاب مش بوست وغير كدة انتى بتذكرى من ورايا بس هو دة انجليزى يا مرسى صح عرفتة كنت فكرة فرنساوى
بصى كلامك صح انا حصلى الموقف دة كنت مع حد بتجمل نوعا ما ومع حبيبتى بجد زى منا كدة ابيض وقشطة وزى الفل لا بعرف ازوق ولا اخبى ولا اقول بحب شئ مش بحبة لمجرد ارضاء الطرف التانى
وبجد ممكن نلاقى اشخاص ونحبهم لله فى الله بس صعب نبقى ان نلاقى حب ونعرف نحافظ علية ونكون بطبيعتنا معة
FINALLY FALLING IN LOVE IS GREAT – STAYING IN LOVE IS EVEN BETTER
نفسى افضل اكتب واوجع قلبك زى ما تعبتى عينى ولا بتردهالى
تحياتى
يارب الاجابة تطلع صح واكون فهمت السؤال
ست الكل سما الفل
الحب لو حب بجد مش هيقتله الوقت بالعكس هيخليه اركز و اجمل ولما نحب شخص بجد مهمه عدا و مهما حصل نلاقي نفسنا لسه قلوبنا بتدق صعب القلب يدق لفتره طويله فعلا لكن الحب الحقيقي انك كل مره تشوفي حبيبتك و كأنك لسه بتتعرفي عليها و على كلامها و على تصرفتها و صدقيني انك تكوني براحتك و بطبيعتك و متفكريش فأي تصرفات بتتصرفيها بطبيعيه و تلبسي اللي تلبسيه و تضحكي من قلبك من غير تصنع و تعبري باحساسك الطبيعيى عن كل شيئ بيقول دي انا مش حد تاني الله على ده احساس يا سما انا حسيت الاحساس ده مره واحده في عمري و مستحيل احسه تاني لأنه مش كل يوم بنلاقي ده انا اعرف واحده مرتبطه و بتعمل كل حاجه قدام صاحبتها بحساب وتفكر في الكلام مليون مره قبل ما تقوله و في تصرفات ماينفعش خالص تعملها لو افترضنا انك مثلا انك هتعشري الانسانه اللي انتي بتحبيها وتناموا في نفس المكان و تكله نفس الاكل لو غفلتي وانتي نايمه و طلعت منك لمؤاخذه بومبه احساسك هيكون ايه ده طبعا لو الامر بشكل عادي مش موقرف يعني عشان احنا برضه بشر ياتري حبيبتك هتفكري فالموضوع لو حسيتي وهتضايقي و تتحرجي ولا هتبقى متأكده انها عارفه انك بشر وانها هي كمان ممكن تعمل ده ايف ايه الريحه الوحشه دي :)))) اللي قصدي اقوله انك لو طبيعيه معاها مش هتتعبي فالتفكير و تبقى مكسوفه ولو صاحيه الصبح شكلك اعوذ بالله من دي خلقه بس هي بتموت فيكي وانتي صاحيه بالمنظر العجيب ده و عملالك فطار و بتبوسك قبل ما تغسلي وشك ولا سنانك و تدلعك او العكس هتحسي براااااااااااحه لو خرجتي معاها و حبيته تتغده برا متقوليش اوه لازم ناكل في مطعم فاخر بالشوكه والسكينه و روحته ضاربين فول ولا كشري ولا كلته بأديكم وضربته بصل و بوسته بعض بعد البصل دي تلقائيه و حب بس الكلام ده بجد نادر ما يحدث بين اتنين وانا متأكده لو عملنا سيرفاي وسألنا الناس هنلاقي ان اغلبهم ايا كسكيلياه زي ما قولتي و محدش بطبيعته 100 فال 100 قدام حد غير نسبه تكاد تكون معدومه انتي عارفه ده بيخلي الحب طعم تاني و بيكبره اوي لأن الانسان دايما لما بيخطلت بشخص اخر بيقى فالاول زهوة و زغلله حلوة وبعد كده يبتدي يشوفه ويقول ايه ده هو بيتصرف كده ليه و يبدأ هو كمان يعمل حساب كل تصرفاته انما لو وصلوا للطبيعيه دي بيكون حب ناجح لأن الطرفين بيكونوا مرتاحين زهوة الحب ممكن تكون عدت لكن بقى فيه تفاهم و استقرار و راحه نفسيه بتولد نوع اجمل فالحب
انا عارفه اني رغيت كتير اوي فالموضوع ده بس والله يا سما الموضوع ده بيشغل حيز كبييييييييير من تفكيري
تحيه كبيره للحريه والراحه النفسيه
نسيت اقولك اني بعشق الاغنيه دي وبموت طبعا في فيروز
عزييزتي صديقتي سما
مع انك مش معبراني ولا بشوف تعليقاتك بس انا احسن منك دايما ومش حتقدري تقولي غير كده
المهم هالبوست شكله تعب ناس كتير بس انا والله قريته بتمعن وما شفته طويل صحيح خفة دمك لازم تدحشيها بنص النص بس مقبوله منك انتي وغيرك ما بينفع
الكلام عن الحب ده كلام عاوزله مجلدات واصلنا كلنا بنكتب فيه وما حد فاهمه خالص تلاقي ناس تتكلم باشيا وبتعمل غيرها انا عندي او بيتهيالي هو امر كده بيحصل من عند ربنا ما بتعرفي حالك ليش مهتمه بهالشخص دونا عن غيره رغم انه ممكن يكون مليان عيوب بس معاكي بيكون في توافق وتناغم
باختصار علشان ما اوجعش عينيكي زي ما عاوزه عاشقة حبيبتي
هو كيميا بين اتنين اذا انوجدت انوجد الحب وهو انواع في حب بيبكون طابعه الراحه والاهتمام والصداقه وفي بيكون طابعه الوصول للكل درجات الحب حتى العشق والاحتياج العاطفي والجنسي وده اصعب نوع اذا وصلتيلوه تكوني حبيتي بجد بس انا عندي نظريه ان الانسان طالما عايش يمكن يحب اكتر من مره وكل مره ممكن تكون افضل من الي قبلها ده راي مجرد راي
المهم اتعبتي والا اكمل ......هه علشان الزميلات ينبسطوا اكون رديتلك اياها تعبتينا يا
اتمنالك حب حقيقي ونرتاح بقى
دائما بتابع بوستاتك بصمت بس المره دي حسيت اني عايزة اعلق وأقولك انتي لمستي العصب الحساس كلامك دايما في مقتل يا سما فعلا شيئ مهم ان الانسان يكون على راحته مع الشخص اللي بيحبه ويكون فيه نوع من الشفافيه في كل تصرفاته قدامه اكيد كل انسان عنده صندوق مبيحبش حد يقرب ليه لكن الحبيب لو وجد تألف و تشابه مع حبيبه بيكون اجمل احساس حقيقي الاحساس ده مش بالساهل ولو افترقوا الشخصين بتفضل دايما ذكرى اجمل الاشياء انهم كانوا متطابقين متشابهين مفيش بينهم حسابات ولا تفكير مفيش بروتوكولات ولا مظاهر كدابه مفيش تصنع زائف يااااه يا سما الاحساس ده مفيش شيئ يعوضه فالدنيا وبيفضل الشخص اللي حس بحريته مع حبيبه دايما فاكره و شايفه ابتسامته بتنطبع جوا قلبه لما يفتكر قد ايه كان طبيعي مع حبيبه حتى لو بعيد عن عنيه و حتى لو استحال الرجوع
بوست اثر فيا كتير و رجعني لذكريات جميله مقدرش انساها البساطه والتلقائيه هي الميه اللي بتروي الحب
دايما متألقه وقريبه برغم انك سما عاليه
عزيزتى سما
---------
جميل التحليل الى حد كبير .. لكنه دائما يقع فى ورطة جميلة
وهو ليس أول عرض أقراؤه فى هذا الشأن
السؤال هو كيف لا نصل الى نقطة الملل؟ هذا هو أصعب سؤال يواجهه أى حب واسمحيلى أى علاقة أيضا
فالذى يحميه كما قلتى انت .. هو القدرة على التجدد .. والخروج من ثوب الى آخر والعيش والاندماج فيه
بمعنى مشروعات متتالية متنوعة تجمع الاثنين
واسمحيلى ان أقول بأن أقوى العواطف .. يعتريها الملل مع السنين .. .. فقد يمكن تكرار الشئ .. مرة أو مرتيت وعشرات المرات .. لكن الاف المرات .. لااعتقد
اذ لا يمكن لشخص عادى ان يتناول البودينج أو المهلبية الى الأبد
هل تشعرين معى بأن تلك الكلمة يمكن وضعها على ورق فقط .. ولم تتحقق فى الحقيقة؟
Love is not just a moment But how to feel the moment
الجمله دي بتتفق اوي مع كلامك ان الحب مش مجرد لحظه او اسبوع او شهر نكون سعدا سوا المهم استمرار الحب و التفاهم و الراحه
لما بتكوني فعلا في بدايات حب او بتحبي بس مش واخده بالك بتحشري الشخص الي بتحبيه في كل موضوع تكلمي فيه حتي لو كان نقاش عن القضيه الفلسطنيه احتمال تقولي ان الحل عنده
و ممكن تكلميه ساعه من غير سبب ولا مناسبه للكلام بس عايزه تكلمي و تسمعي صوته
الأهم من الحب فعلا هو استمرار الحب و ان مايدخلش فيه ملل او يتحول لحب تملك او يبقي مجرد روتين يومي
في حاجات لما بتجتمع سوا بتقوي الحب و تخليه يستمر و مايقتلوش الوقت
الإحترام + التفاهم + الثقه
لما بيكون حب فعلا مش بيكون ليه سبب مش بتحبيه علشان حلو او مثقف او متفاهمين بتحبي من غير اي سبب
بس استمرار الحب و استقراره هو الي محتاج اسباب تساعد علي ان الوقت مايقتلوش بالعكس الوقت يخلي الحب يزيد و يتغير شكله
بتكوني نفسك مع الي بتحبيه لما تكون العلاقه مش مجرد اتنين بيحبوا بعض و بس فكل واحد بيظهر احلي ما عنده للتاني
لما تكونوا صحاب و احباب ففي مساحه بينكم للهزار و اللعب و مافيش حاجز كسوف
بس بردو حرام تصطبحي كل يوم بالمنظر ده انتي مهما كان بشر و ليكي قدره علي الاحتمال تلاقي كل يوم الصبح شخص فاصل شحن و بيهز راسه و مش عارف انتي مين
حلو انك تكوني انتي و بطبيعتك تشاوري زي ما انتي عايزه و تكلمي و تبدعي في كلامك زي ما تحبي و حبيبك يكون مؤدب و ميتريقش عليكي
بوست جميل يا سما
زوج من العدسات القوية كفيلة بأن تشفي عاشقاً
هذا ما قاله نيتشه
أعتقد أن ما يقوى الحب هو ألا نحاول أن نكون طرفا آخرا في العلاقة ... بل يجب أن نتوحد مع الحبيب لكي لا نلجأ في الأخير إلى البحث عن عيوبه و ننهي كل شيء بغباء
أجمل تحياتي و كل عام و انتي بخير
البوست ومقدور عليه..انما بقى الكومنتات الا فجرها البوست دي الا عملتلي قلق..بس انتي دايما كده عامله ثوره..
عزيزتي..
هي كل علاقه وليها ظروفها..حتى انت نفسك بتلاقي نفسك اختلفتي حسب الشخص الا معاكي..معتقدش ده بيرجع لكم الحب او طريقته..وانما للاخر الا هو بيمثل المكمل..للعلاقه..
اي اتنين لما بيرتبطوا ببعض..بتلاقيهم بيكونوا لنفسهم عالم خاص بيهم..بتجمعهم مواقف معينه وكلمات معينه..واحاسيس مرتبطه بيهم ومع الوقت بتكون الحياه اسهل بينهم والحب اعمق..
هي كل علاقه بتختلف حسب ظروفها وحسب اطرافها..وبالنهايه لو بنحب بجد هيكون في تنازلات كتيره..وبحب برضه..عشان الا بيحب بيشوف التاني بقلبه واحساسه وده اعمق بكتير من نظرات العين الا بتدور بس عالحاجه الحلوه وتلزق
موضوع شيق..وخفه دمك كالعاده عامله زي الزيت..فوق الميه لدرجه الواحد بينسى هو الموضوع اصلا كان ايه:))))
متوهانا معاكي انت..:@
سيبك من الكلام الا فوق ده كله..والا عايز يحب ويسلطن يحب ملاك وبسسسس
اقول قولي هذا واستغفر الله لي ولكم والسلام عليكم
سما باشا
كان فى غلط مطبعي ونسيت سطر فحعيد تاني عشان البيه
كلامك دايما جميل مع انك فاهمة طبعا ان مفيش وقت
بس كلامك حسيته انه كبير ومحتاج تفحيص وتمحيص وتدقيق وتمعين
ايه دا... ايه الثقافة اللى نزلت عليا مرة واحدة دي هههههههه
وعشان انتي فاهمة طبعا انا حعمل بنصحيتك وحقرى كل يوم سطرين
وعشان انتي فاهمة اكتر ان مفيش وقت ممكن عشان خاطري انا اقرى سطر واحد كل يوم ...ها؟
بالمناسبة بقى كل سنة وانتي طيبة ياجميل مع انها جت متأخر
بس انا قولتلهالك لايف صح ولا لأ؟؟
نحن نختلف عن الاخرين هههه
تحياتي ليكي
بكون مبسوطة لما بدخل بلوج و الاقى بوست بيتكلم عن الحب
بلاقى اسئلة كتير بنحاول نحلها
و بنحاول نحل اللغز اللى اسمو الحب
اكيد طبعا بيبان اذا كان فى حب و ارتباط بين شخصين وهل هيدوم ولا لأ، ولا اعجاب ولا مجرد تجربة و تعدى
فى علامات كتير بالاضافة طبعا للعلامات اللى انتى ذكرتيها فى الجزء الانجليش
و بتفق مع حبيبة قلبي ان لازم يكون فى توحد مع من نحب
شكرا ليكى يا سما على البوست الجميل ده اللى جاوب على بعض الأسئلة مش كلها عن أحلى لغز
و خلانى كمان اقرا تعليقات و اراء حلوة
كده وبإختصار ..لانو الرغي اوي مش كويس
بإختصار
بإختصار
الحب الحقيقي الي يعيش للأبد
يكونو الحبيبين روح وحدة و جسد واحد
يعني (كوني أنا)
وسلام مربع ل sky هانم :))
قرأت مره
ان كثيرون يحبون ولكن القليل من يعرف كيف يحب
فرق كبير ان تحب وتبدأ في التخبط حتي يتكسر قلبك وقلب من أحببت
وان تعرف كيف تحب
وكيف تتدارك مساحات الآخر في نفسك
فلا تمتلكه حتي تزهق مشاعره ولا تتركه حتي يجف قلبه
المشكله يا سما اننا نحب كما تعلمنا وقرئنا
وليس كما نشعر فعلا
الحب موجات
والذي يعرف كيف يحب يدرك كيف يعلو ويهبط
والذي يحب فقط
يتذمر وحسب
عاشقة وغلبانة والنبى
انتى تهتى وعينك وجعتك ؟؟ طيب احسن الف الف مبروك اخيرا ربنا ردلك اللى عملتيه فى عينيا الحلوين اللى طلعوا لبرة بسببك امبارح يا شريرة
بس انتى ايه اللى خلاكى تتمشى فى البوست من فوق لتحت ومن تحت لفوق ؟؟ ما داهية لتكونى فاكراها الترجمة يا مرسى :))
خلاص يا معلم اهدى خالص اهدى اهدى
.....................
بصى انا اكتر حاجة بكرهها انى احس انى مش على راحتى مع حد او ان حد مش على راحته معايا بحس انى مش انا ومش عارفة اطلع ابداعاتى وما ادراكى ما ابداعاتى :))
الاجابة غلط وسقطتى وهترجعى 3 سنين لورا كمان علشان تبطلى تتريقى ها
سلالالالام يا قمر
صديقتى العزيزة مثلية
مش عارفة انا موضوع الحب اللى لما بيقعد بيبقى اركز دا !! يمكن انا علشان بطبعى شعنونة ومش حد هادى فمش متخيلانى هادية اصلا فى يوم من الايام فالطبيعى ان اللى معايا يبقى هوبااا زي كده حيث المراجيح متعة :)
بصراحة اهم حاجة فى علاقتى بحد اننا نبقى على طبيعتنا سوا ناكل ايه وازاى وفين مش مهم بس انا بطبعى مبحبش الناس المنشية واكيد صعب اتقبل حد عايش حياته كلها بالشوكة والسكينة لان كل مكان وكل حالة وليها متعتها المطاعم اللى على النيل لها متعتها وعربية الفول لها متعة تانية خالص
يعنى انا اعرف اندمج فى اي مكان ومع اى حد لكن اللى معايا هيعرف يندمج برضه واللا هيلبس كوباية عصير فى خلقته ... فدا سؤال هيطرح نفسه على الملاعب
بومبة ايه وصاروخ ايه اللى جاية تفرجريهولى فى البلوج ؟؟ اهدى يا اخت اوعى يصدر منك اى اصوات هنا انا لا اقبل علشان هتلاقينى رفعت لك صباعى وقلت اييييييه دددداااااا واحتمال يجيلى شلل او يغمن عليا ..
انا هولاكو ايوة بس بسكوتة اوى برضه مستحملش الحاجات العنيفة دى وخصوصا بتقوليلى تضربوا كشرى وفول ، يعنى الحاجات دى تاكليها وتروحى تعلقى فى مكان تانى انا محدش واكل فول يدخل بلوجى ابدااااا :))))
انا كمان بحب فيروز اوى ودى من الاغانى المميزة اوى عندى
نورتينى برأيك قمرة
ريمووووووو
ايه يا ريمو يا قمر مالك داخلة مش طايقانى ليييييييييييييييه ؟؟
بصراحة انتى دايما احسن منى هو انا اقدر اقول غير كده ؟ بس برضه انتى نصابة يا ريمو والعيب يا هانم كان من عندك وروحى انتى بوظى بس وانا تطلع روحى فى التصليح بس فداكى يا سكرة انتى تؤمرينى دايما
مش عارفة ليه الناس تعبوا من البوست مع انى اختصرت كتييييير دا انا كان عندى لسة كلام فظيع مريع عايزة اقوله بس قلت كده مش هيبقى بوست هيبقى معلقة عمر ابن ابى ربيعة :))
انتى صح يا ريمو الكيميا بين الشخصين بتخلى فيه انسجام وتوافق فى العلاقة من غير شد وجذب سواء على مستوى الصداقة او الحب
وانا معاكى ان الانسان طالما عايش هيحب ولو حب ونسى الحب القديم بالجديد يبقى القديم مكنش حب من الاساس
والله يا ريمو انتى عارفة مش بشبع من كلامك الموزون ودماغك المتكلفة دى وخصوصا لما بتقوليلى عايزة اشوفلك حتة عيل بقى متمقصتى دول ست الحاجة ماما مش عارفة ليه هههههههههههه
والله انتى سكر ومنورانى اوى دايما
بيجووووو
بيجي هانم فى بلوجى يا مرحبا يا مرحبا
اولا كل سنة وانتى طيبة وتنعاد عليكى بكل الحب والسعادة يا جميلة
بصراحة انتى كلامك صح وجميل مقدرش اقووول حااااجة عننننه :)
بس ان الانسان يكون على سجيته مش شرط يكون مع حبيبه انا بشوف ان الانسان لو هو عنده استعداد للبساطة والتلقائية هيبقى بسيط حتى لو كان فى مجلس الامم المتحدة وهيبقى بيتعامل بطبيعته اللى تخلى اى حد حواليه يتعامل معاه بنفس الطريقة
وهنا بنخلص من العقد والكلاكيع والاقنعة اللى مالية كل العلاقات سواء صداقة او حب او جواز او خطوبة
تلاقى كل واحد لابس القناع اللى يظهره قدام الناس ملاك صغنن سواء بقى بيحكى كلام يظهر هو قد ايه محترم او يقول كلام المفروض يتاخد ضده بس طبعا علشان بيقوله بلسانه يبقى واضح وصريح وابن حلال مشفى
بذمتك مش دى وكسة برضه ؟؟ هى بصراحة وكسة متفكريش كتير :))
منورانى يا قمر وعام سعيد عليكى يا رب
شريف العزيز
بصراحة هو مش تحليل ولكن وجهة نظر تقدر تقول انها قصيرة للافكار اللى عملت فلاش باك فى مخى لما قريت المقال وطبعا زي ما قلت فى تعليق سابق مينفعش البوست كان يبقى اطول من كده لانه كان هيبقى معلقة مش بوست :)
بص يا شيرى انا شخصيا بزهق من نفسى شخصيا فطبيعى انى مع التكرار والروتين ممكن آمل شوية من اللى معايا
فالطبيعى ان كل واحد فينا يحترم مسافة للخصوصية والتنفيث فى حياة الاخر بشرط انه يكون مصدر ثقة وفاهم الحرية اللى بديها لشريكى صح ، انت عارف المصريين تديهم حرية تلاقى بوليس الاداب جاى يسلمهولك وطبعا النوعيات دى متنفعش معايا
فاذن احنا هنا محتاجين حب + ثقة + روح دائمة الشباب ( وطبعا دى صفة نادرة الوجود )
وبمناسبة انك عارف انى واثقة فى نفسى شويتين تلاتة فانا الحمد لله عرفت ناس سنين طويلة ومعتقدش ان حد فيهم زهق او جاله حالة ملل منى ولو مش مصدقنى روح اسألهم :)))
منورنى برأيك يا جميل
الانونيموس
والله انا مستخسرة انك سواء ولد او بنت مش كاتب اسمك لان حقيقى كلامك حلو وعجبنى اوى
وتقريبا انت او انتى الوحيد اللى رد على النص الانجليزى تقريبا، علشان كده دخلت انونيموس خفت من الحسد واللا ايه ؟؟ :)
وانا معاك فى كلامك ان الاهم من الحب هو الاستمرار فى الحب لان سهل اننا ننجذب او حد يلفت نظرنا لكن صعب انه يكون حب حقيقى ، او حتى لو حب حقيقى انه يستمر فى حالة من الاستقرار والتفاهم وفى نفس الوقت الاستمتاع من كلا الطرفين دى بقى المعادلة الصعبة !!
وعلى فكرة انا دايما بشوف ان الحب مش مجرد كلام حلو اللى قدامى يقولهولى عن قد ايه هو مفتون بيا ومستعد يعيش العمر تحت رجليا او يجيب لى حتة من السما
لكن بشوف ان الحب مسئولية لو الشخص دا قدر يكون قد مسئولية الارتباط ويقدر يفهم ويستوعب حبيبه ويدى من غير ما يقول هو انتى هتدينى او اديتنى ايه ؟ويحاول انه ينجح العلاقة من غير ما يقول لما تبقى تتغير انت بقى هبقى اتغير انا كمان ولما تعاملنى كويس هبقى اعاملك كويس !!!!
بجد الجمل دى قد ايه بحسها مستفزة وجوفاء من ناس معندهاش استعداد للحياة الصح وان الحب عندهم مجرد قاعدة حلوة وسهرة لطيفة وكلمتين حب على علاقة حميمية مفيش مانع ، لكن فين الاساس ؟؟ طلع مضروب وبعتنا نجيب غيره :))
اما بقى حتة انك تقدرى تكونى صديقة لحبيبك ويقدر يحتويكى ويفهمك فدى جملة حلوة اوى اوى بس مين يا ترى يقدر يستوعبها ولو حد قدر يستوعبها كام واحد هيقدر يمسك اعصابه ويستعد نفسيا ان اللى قدامه ممكن يقوله كلام يحرق دمه ويفصل انه بيسمعه بودن الصديق مش بودن الحبيب ؟؟
هههههههههههه والله انا معنديش مشكلة ابدا فى المنظر اللى بشوفه الصبح انا بتأقلم بسهولة مع اى منظر صباحى وبيبقى فى نظرى مثيرللحب مش للاشمئزاز ولا انى افكر ارجعها لمامتها مع شنطة هدومها
بجد عاجبنى تعليقك وعام سعيد
عزيزتى مثلية فقط
عجبتنى اوى المقولة دى اول مرة اعرفها فبشكرك عليها بجد
ثانيا رأيك جميل بس لا اعتقد انه سيكون عمليا الا اذا ارتبطتى بشخص على مستوى من الفكر والاستعداد انه يستوعب شخصيتك ويقبل التوحد والتنازل للاستمرار ونجاح العلاقة
فانتى سهل ان تجدى من يقول لكى اعشقك ولكن عند مواجهات الحياة سيطالبك انتى اولا بالتنازل والتغيير وبعدها يفكر اذا كان يستطيع التغير ام لأ وغالبا سيكون لا
متفائلة انا اوى مش كده :))
عام جديد سعيد عليكى يا جميل
اللمضة انا .. وهى
ايوة انا على طول اقول انى دايما عاملة مشاكل فى بيت الزواحف :)
بينى وبينك انا الكومينتات والنقاشات عجبانى اكتر من البوست وكنت بفكر اعمل كومينت واجمع اساميكم كلكم فيه واقول موافقووون يا جماعة .. رفعت الجلسة .. انتى عارفانى عيلة واعملها
ونرجع ونقول ان كلامك صح جدا جدا زي كل الكومينات اللى قبله لكن معادلة انك تلاقى الحد اللى تحبيه وفى نفس ذات اللحظة يكون مناسب لحياتك وتفكيرك ويعرف يمشى على نفس الموجة معاكى هو دا بقى اللى مش سهل ، طبعا مش مستحيل لكن مش مرمى قدامنا فى السوق يعنى
وزى ما قلت قبل كده مش معنى وجود الحب ان تكون العلاقة ناجحة بس المهم الناس تقدر امتى تستوعب مدى نجاحها وقدرتهم على حل المشاكل او الاستسلام بانها علاقة لا تجووووز دى برضه نقطة مهمة فى العلاقات يا اختشششى
انتى اللى دمك سكر وبقيتى تتكلمى مصراوى لبلب يا خلبوصة
طيب انتى لقيتى انجل يا عم ربنا يسعدك واسمحيلى أقر عليكى ساعتين تلاتة لكن انا اجيب انجل منين ؟؟؟ معندكيش واحد زيادة ليا ؟؟ احنا برضه اصحاب عيب كده متبخليش عليا :)
لو سمحتى يا انسة انزلى من على الممبر مش ميعاد خطبة الجمعة خااااالص :))
مونمون باشا
قلبى معاك يا عررررب :))) هيــــــــــه دنيا والله كنتى بنت حلال
فكرتينى بفيلم بوحة لما بيقوله الجاموسة ديلها خد الزلاموكة ووقع .. بقت نص سواا :)))
فظيعة انا وانا بغلس عليكى :)))
ايوة انتى معذورة اقرى كل يوم ربع سطر انتى عندك عذر بس هو انتى صحيح حاجزة مدة واللا مدتين ؟
المهم يا منمن عام سعيدة عليكى وعلى جسور ويارب تكون سنة كلها خير ليكم ، وايوة يا هانم انتى قلتيلى كل سنة وانتى طيبة لايف ومسج وعلى التعليقات لدرجة انى بدأت ازهق منك خلاص :))
كل سنة وانتى طيبة يا قمر ويالا بقى علشان مفيش وقت :))
عزيزتى هابى هوووب
وحشاااانى ... بحبكوووو :))
انا شايفة ان الحب لغز لا يملك حل شفرته أحدا فهو كالبحر بدون شاطئان كلما غصتى فى اعماقه اكثر اكتشفتى انك ما زلتى على السطح
يالا ربنا يستر انا مش عارفة الزعانف بتوعى راحو فين مش هعرف اضرب بلانس انا علشان اكتشفت ايه اللى فى معاميق الحب دا
خلاص مش مشكلة ابقى اكتشف وقت تانى .. انا يعنى ورايا ايه :)
يا بنتى عايزانى اجاوب على ايه تانى بس ؟ انتى مش شايفاهم هيضروبنى علشان البوست طويل والله كان نفسى اخد راحتى واسترسل بس غالبا كنت هنزله كتاب مش بوست :)
منورانى يا قمر انتى وحبيبتك بجد وعام سعيد عليكم
العزيزة AnGel
ايه دا هو الرغى الكتير طلع مش كويس على العقل الباطل واللا اييييه ؟؟
خلاص يا ستى باختصار باختصار وسيبيلى انا الرغى :)
والله انا بتمنالك السعادة يا قمر مع حبيبتك ويفضل حبكم واحد وابدى طول العمر علشان انا افرح واحس ان فيه أمل
مع ان سعد زغلول قالها ومات مفيييييش فاااايدة :))
منورانى يا قمر وميرسى على اللقب بس مش عارفة ليه حاسة انى همطر النهاردة :)
صديقتى العزيزة كاسبر
المقولة بتاعتك دى انا فاكرة انك قلتيلهالى زماااااان بس مكنتش مستوعباها بس حاليا استوعبتها جدااااا
وبصراحة بعد تعليقك معنديش كلام اقوله الا كما اقول لك كالعادة :
اوجزتى فانجزتى فاعجزتى :)
لكى منى كل التحية وعام سعيد عليكى
يا ربي انا شو اعمل فيكي هلأ قوليلي وشو اعمل بحالي وبعيوني ... شو قول للهانم جوزي لو سألتني مالهم عينيكي حمر وتحتهم اسود؟؟ هكون طبعا على طبيعتي معاها واقولها دي ... دي ... دي سما السبب ... هترقع بالصوووت هيا بقى وتقولي يا لهووووووووي انتي خنتيني مع عينين سما ؟ قصدي مع سما ؟ هتدب خناقة طبعا وتعالي فكي يا سما .. اااه ما هو ايه اصلو ده التلقائية الي بتتكلمي عليها حضرتك في معلقة عمر بن ابي ربيعة ..ما هو كدة احنا نكون طبيعيين وتلقائيين في كلامنا وتصرفتنا مع الحبيب وهي بقى تسجل عندها ... اه منك انتي بس ومن معلقاتك المؤرخة دي ....
بصي بقى يا ستي ...بصي هما مش مع الست الي معدية هناك ..
ايوة كدة ... هو انا اوافقك الرأي ان حلوة التلقائية والعفوية في التصرف and to be you, ur self no body else بس انا بعتقد انو حسب الاخر الي معك يعني احيانا الواحد بيكون بيتصرف على طبيعتو معظم الاوقات وهو كدة مش انسان متصنع بس ممكن تلاقيه قدام بعض الاشخاص بيفقد الحاجة دي وبيرتبك او بيفضل عامل لنفسو قالب يخاف يتكسر ويبان الي جواه .. وأحيانا بيكون مع اشخاص هو اول مرة قابلهم وما يعرفهمش اوي وتلاقيه مش فاهم هو ليه طبيعي للدرجة دي وكأنو قدام حد قريب منو اوي اوي ويعرفو من زمان ... ف رأي الشخصي يا باشا .. ان الطرف الاخر والكاريزما والهالة المحيطة بيه مش هالة بنت الجيران واخدة بالك .. هي الي بتلعب دور في how to act infront of other people
سلام يا محروسة
شاليمار
عينين سما ايه وودان سما ايه بس اللى خنتيها معاهم ؟ دا انتى كده لبستينى قضية أداب وانا قاعدة فى بيتنا ((:
بس لوالهانم جوزك زعلتك فى اى حاجة قولى لها دى سما مش اى حد يعنى فهى اكيد مش هتزعل :)) انا سما سما مش اى حد تانى :)
بصى انتى امشى على مبدأ انك تقوليلها الحقيقة فى التليفون واقفلى السكة يعنى مش هتلحق تمسكك ولو كلمتيها لايف خلى معاكى درع واقى علشان الاصابات :)
بس اوعى لو اتضربتى تقولى انك تعرفينى لانى اول واحدة هعترف واقول مين شاليمار ؟ ولا عمرى سمعت الاسم دا :)
والله الجملتين الانجليزى اللى قلتيهم دول هما اللى فيهم الشفا وكده انا اتأكدت ان كورسات "فولو مي" اللى انا عملتهالكم جابت نتيجة
اشكرك ياااا رررب :)
سلام يا قمر
Post a Comment