عـند دقـات الثانيـة عشـرة

من روائع نزار قبانى بمناسبة العام الجديد اهدى اليها و اليكم

عندمـا تـدقُ الساعـة الثانيـة عشـرة

وتفقـــد الكــرة الارضيــة توازنهـــا

ويبــدأ الراقصــون يفكرون بأقدامهم

..، سأنسحــب الــى داخــل نفســـى

.. وسأسحبـــــك معـــــــــى

فأنتِ امرأة لا ترتبط بالفــرح العـــام

.. ولا بالزمــــن العـــــــــام

ولا بهذا السيرك الكبير الذى يمر أمامنــا

ولا بتلك الطبول الوثنية التى تقرع حولنا

ولا بأقنعـــــــة الــــــــورق

.

كل عام .. وانا متورط بــكِ

وملاحــق بتهمـــة حبــــــكِ

كما السماء متهمة بالزرقــة

والعصافير متهمة بالسفــــر

.

كل عام وانا مضروب بزلزالك

ومبــــلل بأمطـــــــارك

ومحفور كالاناء الصينى بتضاريس جسمك

......... كل عام وانـتِ

لا ادرى ماذا اسميـــــكِ

.. اختارى انتِ أسمــاءك

كما تختار النقطة مكانها علـــى السطـــر

وكما يختار المشط مكانه فى طيات الشعر

والــى ان تختـــــارى إسمــــكِ الجديــــد

: إسمحــــى لــــــى ان أناديــــــكِ

" يا حبيبتـــــــــــــــى "

الله يكون فى عونهم

مش قادرة أقول غير الله يكون فى عونهم :))

بس اللى حيرنى وخلانى اتفرج على الكليب حوالــــى 20 مــرة

(

)

(

)

هو ايه اللى كانت بترميه على الارض وتنزل تلملمه تانى دا !؟؟

!! سؤال يطرح نفسه

علمتينـــي .. وعلمتينــــي

علمتينى احب الدنيا علمتينى أحب
وأنسي معاكي هموم الدنيا والمشوار الصعب
.
علمتينى احب الكون واشتاق لعيونك بجنون
انا مطرح قلبك ما يكون هتكون روحي وقلبى معاكى
.
علمتينــى وعلمتينــى احــب ايامــي وسنيني
قبـــلك ايـــــام مــــش محسوبـــــــة
وايامــى التانيــة فــى هوائــي

أحبك .. لأننى ما زلت أجهلك

أحبك منذ الف عام لأننى مازلت حتى اليوم أجهلك

لعلك الماء البسيط المركب فى آن الملىء بالاسرار

..، المــــاء السهـــل الممتنـــــع

واذا انكسرتُ داخلك صرتُ قوس قزح يشبهك ، تنسجم فيه الألوان المتناقضة

أحبك لأنك العاصفة والمرفأ فى آن ، الحرية والقفص ، التحليق والقبر



أحبك لأنك جميل ومبدع وشاعر لا يؤتمن جانبه

أصابعك اللون والضوء والصرخة وعطر الياسمين

أحب خياناتك لى فهى تؤكد أنك ما زلت حياً ومتأججاً بالحيرة

أحبك لأنك ساخر من كل شىء بادئا بنفسك

أحبك لأن عينيك تكذبانك وتصدقهما ولا تقلعهما

، أحبك لأنك غجري الترحال المستقر

لأنك القصائد وقد تقمصت طفولة متوحشة

لأنك الجسد الحار قرين الإعصار


أحبــــك لأننــــى أحبــــــــك

غــادة السمـــان

ولا انهــزام .. ولا إنكســار

من اليأس البارد

تشرق دوما شمسي السوداء

وأعود صلبة وكثيفة وحارة

أصير إمرأة مسكونة بالآهات

..،التي لم تقتلها

::

تشــرق شمســي السـوداء

وأصير منصهـرة وصلبة

لأنني أعاود طيراني

محرقـة ومحترقـة

دونما نهاية

::

لقد إحترقت عشرات المرات

حتى غادرني غباري وبكائي

الذي تحيك منه النساء عادة

عواطفهمن الميلودرامية

::

فشمســى الســوداء

تشرق دوما من جرحي

تحرق رخاوة الخوف والتمهل

::

وحين تظنني قد مت

أكون قد بدأت أستيقظ

مثل غابة مسكونة بالأسرار

وبأكثر مما نتوقع او ندري

::

وحين تظن إنني قد بدأت أبكي

أكون قد إكتشفت كيف أضحك

!! بملء شفاه جرحي

غادة السمان

وداع

تنويــــــــــــــه


انا عندى حاجات كتير فى حياتى

لازم تترتـــــب

ومحتاجة تفرغ وتركيز كامل

فالبوست دا هو الاخير فى البلوج هنا

بس مش هقفله

إحتمال ارجعله تانى فى يوم من الايام

أو مرجعش محدش عارف

..

بشكر كل انسان شاركنى أى لحظة

سعــــــادة أو حــــــزن

من خلال البلوج

وأتمنى للجميع كل خير وسعادة

وهتوحشونى أكيد

*

ملحوظة : التعليقات اللى هتجيلى مش هنشرها لانى مش هرد عليها ولكن هحتفظ بيها ذكرى من اجمل اصدقاء

CHECKMATE

البوست دا علشان بس أقول

إنى النهاردة مبسوووووطة أوووووى

مبسوطة لكذا سبب

إنى اخيرا وبعد شهور طويلة

أثبتــــت انــــى صـــــح -

واتأكدت ان القرار المناسب بيتاخد فى الوقت المناسب -

وكمان كسبت الرهان للمرة مممممممم -

مش عارفة للمرة الكام

بس المهم انى كسبته وخلاص

وعلشان كده انا فرحانة

لإنى اكتشفت انى فعلا مش براهن غير

على اللى انا واثقة من مكسبه

زي ما انا واثقة كده إن اسمى

سمــــــــا

::

وسما النهاردة قفلت صفحة من حياتها

بكــل حاجـــة فيهـــــــا

وأخيرا كل انسان أخد حقه بالطريقة اللى يستاهلها

وبمنتهـــــى العـــــــــدل

::

CHECKMATE

تعويذة عِشق شيطانية

ينهض من بين رُفات أخر ضحاياه

ينفض عن جسده بقايا أشلاء أصرت على التشبث به حتى النهاية

ويذهب ليغسل أثار أخر قطرة دماء أحبته بصدق

::

ويستعد ليبدأ ليلته الدموية

ليلة فيها يمتص الارواح

ليبعث الحياة فى قلبه الميت من جديد

::

يتلون لسانه بأثمن الأصباغ

ويستبدل حدقتى الشيطان بنظرة ملائكية هائمة

ويأتى بقيثارته ليعزف لحنه المحرم

على أوتار القلوب الوحيدة

فيلقى عليهن تعاويذه المسمومة بصوت كفحيح الأفعى

::

تعالوا إلى ايتها الطامعات بالهوى

الحالمات بالعشق الأبدى

فمعى أنشودة السحر ، من تسمعنى

يجرى حُبى مجرى دمائها ، وتنال الخلود

::

ويبدأ بالرقص على أصوات آهاتهم المحمومة

وتتساقط عليه كل من تريد ان تمسسها تعويذة الحب والبقاء

يذهبن بلا عقل ولا إرادة ، ولكن بمنتهى الارادة

وعندما يزيد العدد بقلبه

.. يتزمـــــــــــر

دعونى آتى بدفترى وأدون الاسماء فأنتن فوق حاجتى الآن

، وتلمع أنياب غدره من جديد

::

.. يستعــد للرحيـــــل

وهو يردد تعويذته المُحرمة

المجد لشيطان العشق وسُحقا لعبيده

رحـيـــــل

ارتدت ملابسها فى عُجالة وغادرت بيتها لتلحق بالقطار

فقد قررت ان تأخذ اجازة من كل شىء حتى عقلها لا تريده ان يفكر فى شىء

ولانها لم تستطع التخلى عن عادتها السيئة وهى التلكأ وانجاز الاشياء فى اخر لحظة فقد وصلت محطة القطار وجرس الاستعداد للرحيل يُرجرج اركان المحطة

قفذت بسرعة وزفرت عندما احست بالاستقرار انها لحقت بالقطار وانها اخيرا سترحل عن المكان حتى ولو بضعة ايام

تفقدت رقم الكرسى الخاص بها وعندما وجدته جلست عليه دفعة واحدة وكأنها تخاف ان يأخذه غيرها رغم انه لم هناك الكثير من المسافرون

شعرت بالراحة لعدم الزحام فهى فى اشد الحاجة الى قليل من الهدوء

إستسلمت الى مسند االكرسى واغمضت عينها وتنفست فى بطىء وكأنها تحاول اخراج كل ما فى صدرها من هَم مع هذا النفس ، وقررت ان تفصل عقلها عن العالم حولها حتى لو كان العالم المُتاح مجرد قطار

::

وفى اثناء شرودها دعاها العقل الذى يقاتل من اجل الاستيقاظ ان تتذكر الايام القريبة الماضية وكيف انها تألمت بعد ان انفصلت عن حبيبتها وحجم الجرح الذى خلفه ذلك داخل قلب كان يحي من اجل الحب

واستطاع العقل فى غفلة منها ان يذكرها كيف كان الوداع فقير لا يليق بعاشقتين مثلهما وفى اصرار غريب أعاد امام عينيها شريط ذكريات طويل لا تريد ان تراه ولا تتذكره

وفى لحظة ألم هربت دمعة من عينها وعندما شعرت بحرارتها على خدها فاقت وهزت رأسها رفضا لتلك المشاعر السلبية وذلك العقل الملعون

تلفتت حولها لتجد ان المكان لا يزال هادئا فقررت ان تحاول مرة اخرى وتُسكت ذلك العقل تماما بأى وسيلة ، فتناولت مشغل اغانيها الذى لا تستطيع التحرك بدونه ، ووضعت السماعات فى اذنيها وبحثت عن اغانى تُثير البهجة ربما تستطيع بها الهروب من هذه الحالة .. ربما

وبالفعل أدارت أكثر الاغانى لديها بهجة ولكنها لا تسمعها .. لاتسمع شىء .. فقط ألم .. ورغبة فى الهروب ولكنها لا تعلم من ماذا تهرب والى اين تهرب !!

لا زال الطريق امامها غير واضح ولكن الهروب الآن ربما يريحها ولو قليلا

وبدون ان تشعر تحول جو الاغانى من البهجة التى لم تشعر بها اساسا الى نمط حزين جدا وخاصة عندما استمعت لغنوة معينة دائما ما تشعرها انها وحيدة

::

لم تعلم كم من الوقت مضى وهى تستمع الى تلك الاغانى ولكن الواضح انها استسلمت للاغانى بحزنها ولشريط الذكريات الذى تم عرضه من جديد

ولم تشعر بنفسها الا وهناك يد تمتد نحوها تربت على كفها فانتفضت فجأة والتفتت لتجد على الكرسى بجانبها فتاة تشع عيناها بالذكاء والحياة فنظرت اليها فى استغراب وقالت عيناها فى صمت ودهشة من انتى ؟ ومن اين اتيتى ؟ انا لا اريد صُحبة حتى ولو على كرسى مجاور وتنفست مرة اخرى فى ألم لا تعرف ماذا تفعل

ونظرت مرة أخرى الى وجه الفتاة فلمحت فى عينيها ابتسامة حنان ممزوجة بعمق لا تعرف مصدره ، عينان تتحدثان بلغة تدعو للاسترخاء وابتسامة ترتسم على شفتيها فتضىء وجهها هذا الوجه الملىء بالحياة والأمل

: فمدت الفتاة يدها بمنديل وقالت

انا اسفة انى خضيتك كنت عايزة بس اديكى دا ، انا بعتذر مرة تانية ولو تحبى انا ممكن اقوم أقعد فى حتة تانية


نظرت الى المنديل فى دهشة وفجأة أكتشفت انها كانت تبكى دون ان تشعر فأحست بأحراج شديد وتناولت المنديل من الفتاة

انا متشكرة اوى وانا اللى اسفة معلش كنت سرحانة ومحسيتش بيكى لما قعدتى علشان كده اتخضيت

فأبتسمت الفتاة فى رقة وأماءت برأسها موافقة

فعلا انتى كان واضح انك فى دنيا تانية بس بصراحة كويس انى خضيتك لان شكل الموضوع اللى كنتى بتفكرى فيه كان حزين فانا سعيدة انى فصلتك عنه

أبتسمت فى حياء وجاوبتها فى امتنان

انا بشكرك فعلا مرة تانية انك فصلتينى على الاقل عن عقلى


هزت الفتاة رأسها فى تساؤل

فجاوبتها متشغليش بالك موضوع وخلص

وأشاحت بوجهها نحو نافذة القطار وعقلها يكرر وكأنه صدى صوتها

موضوع وخلص .. موضوع وخلص

وكانت على وشك الغياب فى شريط ذكريتها لولا صوت الفتاة بدأ فى نشر حالة من البهجة فى المكان ما بين تساؤلات وضحكات وحكايات قديمة عن طرائف حدثت فى القطار

وفى لحظة هربت ضحكة من الشفتين الحزينتين منذ فترة وقالت لها

انتى لطيفة اوى على فكرة وانا مبسوطة انى قابلت انتى ساعدتينى انى اغير المود الكئيب اللى كنت مسافرة بيه وأكيد لو مكنتش قابلتك كان زمانى لسة بكمل عياط


لمعت عين الفتاة فجأة بنظرة تعرفها جيدا نظرة مرت عليها فى الماضى عندما انفصلت عن حبيبتها فى وقت ما ودخلت فى علاقة مع أخرى ولكنها كانت علاقة قصيرة كانت تريد فيها دفن ألمها وجرحها من حبيبتها

هذه العلاقة طالما وصفتها بالمُسكن او المُخدر لانها خدرت ألمها لفترة ولكننا عندما نعتاد على المسكن يفقد أثره سريعا ويرجع الألم كما كان ولكننا وقتها ربما يصيبنا المسكن بالمرض او نكون السبب فى مرض غيرنا

ومن تلك اللحظة قررت ان تقلع عن الدخول فى العلاقات العابرة او على حد قولها
" المسكنات "

ونظرت مرة أخرى الى الفتاة وتأكدت من حدسها انها تلك النظرة التى لا تخطئها أبدا وسألتها القتاة فى ابتسامة انثوية

انتى ايه حكايتك ؟

انا مليش حكاية ..

عينيكى بتقول انه فيه وفيه كتير كمان .. انا بعرف اقرى العينين كويس

جاوبت فى نصف ابتسامة

بس انا عينيا اللى بيحاول يقراهم بيتعب أوى

اممممم نجرب ولو تعبت هقولك تخفى عنى .. وانطلقت ضاحكة فى ثقة انثى

::

وفجأة سمعت صوت تعرفه جيدا ولكنه هذه المرة يأتى من داخلها

شُفتى بقى أهو جتلك واحدة تنسى بيها حبيبتك اللى عذبتك معاها طول الفترة دى حتى ولو مؤقتا

: وبدون ان تشعر قالت بصوت عالى

بس انا زهقت من المسكنات

: فنظرت الفتاة اليها فى دهشة وقالت لها

نعـــــــــــــــم ؟؟

: فجاوبت بسرعة

أنا أسفة عندى صداع ومحتاجة أستريح شوية قبل ما نوصل

وقبل ان تلمح أى نظرة فى عين الفتاة أشاحت بوجهها نحو النافذة

والتقطت سماعات مشغل الموسيقى مرة اخرى وادارته هذه المرة على الراديو حتى لا يكون لها أى خيار ، ولكن قبل ذلك تناولت نظارتها السوداء الكبيرة من حقيبتها لتخفى ما تبقى من ألمها .. وعينيها

وهى تردد فى صوت لا يسمعه غيرها

المسكنات مش بتجيب غير الصداع

واستطاعت ان تبتسم مرة أخرى ولكن بأرادتها بدون مساعدة ولا مسكنات

بـ حـ بـ ك

غرامك من زمان فيا .. كلامك كله حنية
لقيتنى بسرعة خدت عليك

وجودك جنبى خلانى .. أشوف الدنيا لون تانى
وضحكت لى الحياة فى عينيك

نسيـــت النـــــاس
معـاك انــت

حبيبى الدنيا وانا جنبك عليا تهون

بقينـــا خــــلاص
انـا وانــت

لبعض ومستحيل البعد بيننا يكون

MyAll

I am thinking of you

In my sleepless solitude tonight

If it's wrong to love you

Then my heart just won't let me be right

مجرد أفكار متناثرة

الشـــــــــك

يقولون اننى أشك بأصابع يدي
وكيـــــف لا ؟
وكل من آمنتهم خذلوني كلا على طريقته ..

شابوه للكذب

الخــــــــداع

أقنعة براقة لا يستخدمها إلا البشر
فأى لون من الاقنعة سأواجه قريبا ؟



الخيانــــــــة

لا اعتقد انها ستقدم ماتش إعتزال .. فالبشر سيظلوا بشر



الحــــــــب

كرقصة التانجو تحتاج دائما الى راقصين
يشعران بالخطوة .. ولا يستعرضوها ..

الكبريــــــاء

سلاح ذو حدين لا استطيع التخلي عن إحدهما



السعـــــــادة

حلم جميل نحققه في دنيا الاوهام..فقط



اللـــــــــــــه

الحقيقة الوحيدة بلا أقنعة ولا زيف
لانها لا تحمل من صفات البشر شىء



جملة أكرهها

!! لا اريــد ان أخســـرك
فمـــاذا فعلـــت لتبقينـــى ؟؟



أنـــــــــــــا

عندما أستسلم للحزن أو اليأس .. لن اكون انا
..وانا.. انا مش أى حد تانى

شابوه للتفائل

بوووم .. تيييش .. آآآى

من حقنا اننا نحب .. ومن حقنا نحلم نقضى اللى باقى من عمرنا مع اللى بنحبه

بس قبل ما نحلم اننا نعيش معاه

وقبل ما نبنى قصور احلام وسعادة على الرمل

لازم نبقى متأكدين من مشاعر الطرف التانى

يعنى بيبادلنا نفس الحب ؟ واللا هو فى عالم تانى ؟



طيب لو حبيبك دا مصرحش بمشاعره .. و ملمحش .. ومأخدش خطوة

هتعملى اييييييه ؟

هتاخدى خطوة وتتكلمي انتي ؟؟


يا فضيحتشى ... لأ انا استنى لما يجي يتكلم هو واللا ان شا الله عنه ما جه

أدينى قاعدة هو انا ورايا ايه يعنى ؟ اهو لو جه من نفسه يبقى كويس انما لو مجاش بققققققققققى





هستنـــاه برضـــه مـــن سنـــــة لعشـــــرة




الكلام دا طبعا مش تريقة

بس دا حال البنات دايما خصوصا الشرقيات .. الدنيا تتشال وتتحط حواليهم وهما قاعدين مستنيين الفرج


حتــــى فــــــى الحــــــب


تبقى البنت متشحتفة وبتفرفر بس قاعدة حاطة رجليها فى ماية ساقعة ومستنية الراجل هو اللى يجى يتكلم


طبعا دا كلام جميل جدا وخصوصا ان من شيمات الانثى الخجل والكرامة والعزة وانها تحس ان الراجل سف التراب علشان بس تحن عليه وترميله رمش


لكن ازى الحال لو اللى بتحبيه دا والعياذ بالله صنننننم بججججم على رأى عبد السلام النابلسى ؟


إفرضى انتى أصلا مش فى دماغه ؟ يبقى هتعرفى ازاى الا اذا اخدتي خطوة ؟
واللا برضه هتقعدى تستنى الفرج ؟



وعلشان كلامى يبقى مدعم بالمستندات فانا دلوقتى هحكيلكم حكايتين باختصار شديد حصلو فعلا فى الواقع


ومن الواقع والى الواقع نعود ... وحدووووووه


الحكاية الاولى : كانت لواحدة صاحبتى اوى كانت بتحب واحد قريبها كان دايما عندهم فى البيت لاسباب عائلية ، وهى كانت واقعة فى غرامه لدرجة انها عاشت حلم انها اتجوزته وشكل بيتهم واولادهم قبل ما يفتح بوقه علشان يتتاوب حتى

وكانت هى 24 ساعة تحكيلى عليه وانا كل مرة اقول لها يا بنتى بطلى واهمدى ومتعيشيش فى الوهم لغاية ما تتأكدى من مشاعره أو حاولى انتى تجسى النبض وتجرجريه للخطيئة وتخليه هو اللى يتكلم احتمال ربنا يكرمك وتخليه يغلط غلطة عمره ويتجوزك وهو يبقى كفر عن كل ذنوبه فى الدنيا

ورغــــم ان نصايحـــــى تــــــودى اللومـــــان اقصـــــد مفيـــــدة وهايلــــــة

بس كانت هى من نوعية يا فضيحتشى لاااااااا مقدرش بس هو أكيد بيحبنى .. هو بيجى عندنا فى البيت كتير كل شوية هيكون ليه يعنى ؟

ورفضت مع الاسف مع الالم انها توقعه فى الخطيئة ..وكل شعااااع سحرى فى اقناعها مجبش نتيجة

فقلــــت بقــــى أشحــــن البطاريـــــات

فأتنهدت وقلت لها والله انتى ما هتفوقى الا ما يجى فى يوم من الايام يعزمك على فرحه

ويارتنى ما قلت .. تقولوش باب السما كان موارب

بعدها بحوالى عشر ايام جه عزمها على خطوبته .. وكانت الطامة الكبرى

شفتوا اللى مش بيسمع كلامى بيحصله ايه ؟؟


بس انا برضه كنت بلومها هى اكتر منه لان كل التصرفات اللى كانت بتقول انه بيعملها كانت عادية انها تتاخد بتفسير طبيعى بين القرايب .. لكن علشان هى بتحبه كانت بتفسر كل موقف وحركة باللى هى عايزة تصدقه وبتحلم بيه



ندخــل برجلينــــا اليميــــن علــــــــى

الحكاية التانية : ودى كانت لسما هانم اللى كرامتها على طرطوفة مناخيرها .. مش انا مش انا


كان ياما كان يجى من عشرميت سنة كده كنت اتعرفت على واحد صاحب واحد صاحبى وانا اولى جامعة او تانية مش فاكرة، ومن اول يوم حسيت انه مهتم بيا بشكل مختلف عن اهتمامه بأى واحدة تانية

وانا كان عاجبنى أخلاقه وعقليته لانه كان شخصية محترمة وطبعا دا كان نادر ومازال نادر سواء فى البنات او الولاد دلوقتى

بس هل كنت بحبه واللا لأ دا مكنتش متأكدة منه ,، لكن الاكيد انه كان عاجبنى غموضه وهدوءه

المهم اخينا دا كان كل تصرفاته فاضحاه بس مش بينطق وانا بالى مش طويل اوى يعنى

بالاضافة انى بكره الامور العايمة بحب اعرف نهاية الشىء سواء بالسلب او بالايجاب علشان اما تكون بداية او نهاية لكن المط والتطويل واحلام اليقظة دى مبحبهاش

الاخ دا بقى كان بيتكسف من خياله وخصوصا معايا فكان مفيش فيه أمل يعنى لو قعدت عشر سنين مش هينطق رغم انى كنت واثقة مليون فى المية انه بيحبنى


فقلت فى سرى وبعدييييييييييين بقى ؟؟؟ طييييييييييب


و فى مرة شمرت كومى وقلت مبدهاش .. استعاننا على الشقى بالله

كان بيكلمى فى التليفون وبيحكى فى موضوع ففى وسط الكلام قلت له قولى يا ...... انت بتحبنى ؟؟

..هو تقريبا كان نفسه يقفل الخط بس ربنا موفقهوش

فقالى بصوت طالع من غيبوبة .. آيووة

قلت له امال مش بتنطق ليه ؟؟

قالى علشان مش ضامن رد فعلك

قلت له طيب بمناسبة رد فعلى تصبح على خير انا هنام وقفلت


بس بعدها لما بدأنا نتكلم اكتر حسيت اني مش بحبه وانى برغم اعجابى بشخصيته وانه فعلا ممتاز الا انى محسيتش ان هو دا اللى عايزة اكمل عمرى معاه

طبعا الحكايتين عكس بعض واللى عايزة اوصله منهم

هل لو حسيتي بمشاعر تجاه حد تستنى الفرج وان اللى قدامك يحس على دمه ويتحرك واللا تاخدى خطوة وتروحى

تسألى اللى بتحبيه اذا كان بيحبك واللا لأ ؟؟

بس احتمال أوى ان الاجابة تكون لأ

وساعتها هيبقى الوضع

بووووم تيييييش آآآآآآآآآى علـــــى الاخـــــــر


لكن دا فى نظرى برضه هيكون احسن كتيييير من انك تفضلى متشعلقة فى حلم وبعدين تفوقى على كابوس ودش ماية ساقع


هاااا ؟؟ هتاخدى نفس وتغطسى قصدى تتكلمى انتى ؟ واللا تستنى لما يجى يعزمك فى يوم من الايام على فرحه ؟


انا بقول تستنوا الفرح علشان تعزمونى واجى أمسك انا الشمعة للعروسة وافتتح البوفيه

سأبدأ من أول السطر

.. سأبدأ من أول الخصر
إن كنتِ تعتقدينْ
بأني تلعثمتُ مثل التلاميذ ..فوق السريرْ

.. سأبدأ من قمة الصدر
إن كنتِ تعتقدينْ
بأني تصرفتُ كالأغبياءْ
أمام دموع المرايا .. وشكوى الحريرْ

..سأبدأ من شفتيكِ نزولاً
إذا كنتِ تخشينَ من غربة الليل والزمهريرْ

.. سأبدأ من قدميكِ صعوداً
.. إذا كان لابد لي أن أموتَ

لأربـــــح هــــذا الرهـــانَ الكبيــــرْ

نــــزار قبانــــــى

القُبلــــــــــــــــة

القُبلة القُبلة القُبلة

القبلة ان كانت للملهـوف
اللى على ورد الخد يلوف
ياخدها بدال الواحدة ألوف

ولا يسمــع للنـــاس كــلام
ولا يخشــى مــن النـــاس مــــلام

بمناسبة ان رمضان خلص بقى فأسمحولى أنحرف واتكلم فى موضوع أياااه كيسكيلياه


ألا وهو القُبلة او البوسة

أوعوا حد يفهمنى غلط والله انا مُحرجة وانا بتكلم فى الموضوع دا بس انتو عارفين لما فكرة بتسخن فى دماغى بحط على وشى مَنخُل وادخل أتكلم على طوووول ولا يهمنى حاجة وعلى رأى عادل إمام لا حياء فى العلم لا حياء فى الدين لا حياء مع رجال البوليس


فيه ناس منكم هيقولو عليا عبيطة علشان ناس كتير شايفين ان القُبلة دى مجرد فاتح شهية او بداية طبيعية للى هايجى بعدها يعنى شىء لابد منه علشان الخطوة اللى بعدها

فيه مثل انجليزى بيقول

No fucking without kissing


لكن انا طول عمرى بشوف ان القبلة دى شىء كده مستقل بذاته ملوش علاقة بأى حاجة قبله ولا بعده ومش لازم بالنسبة لى انه يكون فيه أى حاجة بعده

يعنى مش لازم علشان ابوس حد نروح بعد كده نعمل علاقة جسدية

لكن انا ممكن ابوس اللى قدامى من غير مناسبة .. يعنى أحس انى عايزة ابوسه فأعاقبه وابوسه

بعتبر ان القُبلة تعبير عن احساسى فى الوقت دا سواء حب أو سعادة او إمتنان او بقوله انى بحبه بس من غير ما اقولها بالكلام

***

زماااان زماااان وانا زئردة فى المدرسة أعتقد فى ثانوى كنت قريت كتاب مترجم هو كان طبى وبرضه بيتكلم عن المشاكل الجنسية بس كان كتاب محترم مش من الكتب اياها

اللى علق فى دماغى من الكتاب كله كان فصل بيتكلم فيه عن القُبلة


والحتة اللى ركزت فيها أوى أوى كانت بتقول فيما معناه

إنك لو على علاقة بحد وحصلت بينكم قُبلة وحسيت إنك مش طاير من السعادة وان بوسته دى مخليتكش تنسى كل الدنيا ومتفتكرش غير فى طعم شفايفه

او انك تبقى مش مرتاح لنَفَسه وانت قريب منه ، ودا مش معناه انه مش بيغسل سنانه بالفرشاة قبل ما يبوسك لكن يقصد ان فيه نَفَس تحس انك بتحبه وعايز تفضل لازق فى وش اللى قدامك وعايز تتنفس حتى النَفَس اللى بيطلعه

وتلاقى روحك تلقائى بتقوله انا بحب نَفَسك أوى


وفيه حد تانى يبقى نَفَسه نضيف برضه بس انت مش بتحبه ومش عايز تقرب منه


لكن لو حد مقرف بقى يبقى تاخده من قفاه على الحمام وتقوله زي عبلة كامل فى فيلم سيداتى آنساتى إستحمى واغسل سنانك بالفرشاة كويس ولما يجى يبوسك إبقى اقعد شمشم فيه أو إلبس كمامة أضمن


على فكرة انا شخصيا بنى أدمة بقرف اوى اوى اوى وخصوصا فى موضوع النضافة الشخصية على رأى اصحابى بكيزة هانم

المهم علشان متتوهوش منى

الأخ المؤلف بقى قال لو اللى انت معاه محسيتش ناحيته بالاحاسيس اللى انا قلتها فوق دى

أوعى أوعى ترتبط بيه لانه هيكون إرتباط فاشل

ناس منكم هيقولو ايه الراجل الهايف دا ؟؟ يعنى هو ساب كل المشاكل اللى بين الناس ومسك فى البوسة ؟

بس لو ركزنا وفكرنا هنلاقى ان للقُبلة فى حد ذاتها لغة خاصة

لغة حوار ميفهماش غير أصحابها وبس

فاما تطلعهم السما او تدفنهم فى الارض


هو الحقيقة مش القبلُة بس اللى هتبوظ العلاقة بين طرفين ولا العلاقة الجنسية نفسها لكن هى شوية حاجات كده جنب بعضها إحتمال اتكلم فيهما بعدين

بس خلونا دلوقتى نركز فى القُبلة اللى هى موضوع البوست


انتو بقى القُبلة بتمثل لكم ايه ؟؟ وايه معناها فى حياتكم ؟

انا عايزة انهيار واعتراف كامل بالحقيقة وكل واحد يجيب معاه اتنين شهود مرتبهم ميقلش عن 86 جنيه

عندما تضعين رأسك على كتفي

عندما تضعين رأسك على كتفي

وانا أسوق سيارتي
تترك النجوم مداراتها
.. وتنزل بالألوف
.. لتتزحلق على النوافذ الزجاجية
.. وينزل القمر
.. ليستوطن على كتفى

عندئـــذ

يصبح التدخين معكِ متعة ..
والحوارُ متعة ..
والسكوت متعة ..
والضياع فى الطُرقات الشتائية
التى لا أسماء لها متعة ..

واتمنى .. لو نبقى هكذا إلى الأبد

المطـر يغـني ..
ومَسَاحات المطر تغني ..
ورأسك الصغير ..
مُنكمش بصدري ..
كفراشة إفريقية ملونة ..
ترفض أن تطيــر

نزار قباني

تسألنـــــــــــــى

تسألني حبيبتي

ماالفرق بيني وبين ... السماء
الفرق ما بينكما

انكي إن ضحكتي يا حبيبتي

أنسى السماء

..
ياربي قلبي لم يعد كافياً

لأن من احبها تعادل الدنيا

فضـع بصــــــدري واحداً

غيره يكون بمساحة الدنيا

..

مازلت تسألني عن عيد ميلادي

سجل لديك إذن ما أنت تجهله

تاريخ حبك لي تاريخ ميلادي

..

ذات العينين السوداوين

ذات العينين الصاحيتين الممطرتين

ما اطلب أبدا من ربي إلا شيئين

أن يحفظ هاتين العينين

ويزيد بأيامي يومين كي أكتب شعراً

في هاتين اللؤلؤتين

..

أشكوكي للسماء كيف استطعتي كيف

أن تختصري جميع مافي الأرض من نساء

..

لو كنتي ياصديقتي بمستوى جنوني

لرميتي ما عليكي من جواهراً

وبعتي مالديكي من أساور

ونمتي في عيوني

..

لأن كلام القواميس مات

لأن كلام الروايــات مات

أريد اكتشاف طريقة عشقا

ًاحبكي فيها بلا كلمــــــات

..

انا عنكي ما أخبرتهم

لكنهم لمحوكي تغتسلين في أحداقي

انا عنكي ما كلمتهم

لكنهم قراؤكي في حبري وفي أوراقي

ذوبت في غرامكي الأقلام

من ازرقاً واحمراً واخضراً

حتى انتهاء الكلام

علقت حبي لكي في أساور الحمام

ولم اكن اعرف يا حبيبتي

أن الهوى يطير كا الحمام

..

حبكي يا عميقة العينين

حبكي مثل الموت ... والولادة

صعب لأن يعاد مرتين

..

عشرين ألف امرأة أحببت

عشرين ألف امرأة جربت

وعندما التقيت فيكي يا حبيبتي

شعرت أنى الآن قد بدأت

..

أني احبكي عندما تبكين

واحب وجهكي غائماً وحزيناَ

الحزن يصهرنا معاً

من حيث لا ادري ولا تدريناَ

بعض النساء وجوههم جميلة

وتصير اجمل عندما يبكيناَ

..

عدي على أصابع اليدين ما يأتي

فا أولا : حبيبتي أنتي

وثانياً : حبيبتي أنتي

وثالثاً : حبيبتي أنتي

ورابعاً وخامساً وسادساً وسابعاً

وثامناً وتاسعاً وعاشراً

نـزار قباني

ودانك لسة مكانها ؟؟

انـــــت تعرفنــــــــــى ؟

طبعــــــــــــــــــــااااااا

عاشرتنـــــــــــــــــى ؟

طبعـــــــــــــــــااااااا لأ

........ تبقــــــــــــــــــــــــــى

مش هقول حمــــــــراااا بقى علشان احنا فى رمضان بس اوعدونى انكم بعد رمضان كل واحد يحط كلمة "حمرا" مكان النقط


وطبعا اللى حمرا دى عينه اوعوا حد يفهمنى صح انا عارفة النوايا بتروح بعيد استغفر الله استغفر الله


الموضوع اللى هتكلم فيه النهاردة جد كالعادة وعايزاكم تصحصحوا معايا

فكل واحد يروح يجيب كوباية من اللى بيشربه وورايا على الكمبيوتر


هيـــــــــا بنــــــــــا نلعــــــــــــب

قلنا جد مش معقول كده هى المراجيح دى مش هتقفل ابدا


خلاص خلاص لبست النضارة وعدلت الكرافتة


هـــــــــــــــــــــــــــــواااااااا


بادىء ذي بدء يا جماعة اللى اوحالى بالموضوع دا حوار مع احد الشخصيات من يومين

ومن خلال مناخيرى الطويلة وقرون استشعارى اللى قلما بتخيب معايا

لاحظت ان نسبة كبيرة من الناس بتبنى وجهة نظرها فى ناس بناء على وجهة نظر ناس تانيين فى الناس الاولانين

من غير ما تتوهو وتنهاروا كده .. اقروا الجملة تانى وانتو هتفهموا


واللا اقولكم .. انا هحل لكم الفزورة وامرى لله بس انا اللى هاخد الجايزة بقى ها


يعنى انت متكونش تعرف فلان بشكل شخصى اوى او ان العلاقة بينكم من بعيد لبعيد بشكل يخليك متقدرش تحكم عليه كويس

وانا بقى اكون مش بطيق فلان دا وبينى وبينه عداوة او مشاكل او حزازيات وتيجى تقولى وبراءة الاطفال فى عينيك

قوليلى يا سيمو هو انتى ايه رأيك فى فلان ؟

أروح انا محموءة وقايلالك اعوذ بالله دا شخصية خنيقة وكداب وزبالة وما يعلم بيه الا ربنا واطلع كل اللى فى قلبى ناحيته ودا طبعا بيكون "من وجهة نظرى انا "

اللى مش شرط تكون حقيقية

انت تاخد البوقين منى ويتصادف بعدها انك ممكن تعرف حد تانى او تالت يعرف نفس الشخصية دى وبرضه ميكونوش بيطيقوا بعض لاسباب شخصية بينهم ويتكرر نفس الكلام السخيف لكن برضه من وجهة نظر اللى حكى

واللى مش شرط ابدا انها تكون حقيقية برضه

وتلاقى نفسك قعدت على كرسيك زي الباشا وحكمت على الشخصية دى انه زبالة وكداب وابن ستين فى تسعين واحتمال تزود كمان انه حرامى ومطلوب فى 3 قضايا اداب

طبعا انت ضميرك مستريح ونايم وبياكل رز مع الملايكة



ولو حد عنده ضمير لسة مصحصح جه سألك

انت تعرفه علشان تقول عليه كده ؟

هتلاقى نفسك بتقوله بنفس ذات البراءة والضمير اللى بيشخر

وانا مالى ماهما اللى بيقولو عليه كده هو انا يعنى اعرفه اكتر منهم ؟

ابــو ضميــر هيســألك تانــــى

وانت بتحكم على حد متعرفوش كويس ولا حصل بينكم مواقف تخليك تقيمه كويس بناء على كلام ناس تانية ؟

بالذمــــــــة دا كـــــــــلام ؟

ومتقولوش انه مبيحصلش لانه بيحصل وكتير وحصل معايا انا شخصيا كتير

يعنى انا بصادف ناس اسمع انهم واخدين فكرة معينة عنى وعن شخصيتى وتصرفاتى سواء بالسلب او الايجاب وحاكمين عليا بينهم وبين نفسهم بناء على كلام ناس تانين ممكن تكون علاقتى بيهم كويسة وناس تانين ممكن تكون علاقتى بيهم وحشة

فالشخصية دى اخدت الفكرة عنى بناء على اراء الجماهير والفكرة كانت كالتالى

انــى بحـب نفسـى اكتـر مـن اى حـد فـى الدنيـا


فانا بصدر رحب سألت الشخصية دى


وانتى بناء على ايه بتقولى انى بحب نفسى اكتر من اى حد فى الدنيا ؟؟

انتى تعرفينى ؟ او تعرفى شخصيتى كويس ؟ او تعرفى حياتى او مواقفى فى الحياة منين علشان تحكمى عليا بكده ؟؟


وكـــان الـــــرد

اعرفك من حكاوى القهاوى قصدى حكاوى النت ، يعنى كلمة من هنا على كلمة من هناك

اهو بعرف اللى اقدر اقول شئ عنك بيه لما يكون فى حوار عنك

ماهو مفيش اتنين بيكلموا بعض الا بيتكلموا عن حد


وردى كـــــــــــان

حلو اوى المهم بقى الناس اللى انتى بتتكلمى معاهم عنى بيحبونى واللا بيكرهونى ؟

يعنى لو فرضنا انك سألتى ندى عنى هيكون رأيها نفس رد شيماء؟


قالـــــــــــــــــــــت

طبعــــــــــــا لأ

( الاسماء وهمية لزوم الحبكة الدرامية زى ما انتو فاهمين )


رديـــــــت وسألتهــــــــا

طيب هو أقرب ناس عندى فى الدنيا حتى لو من اهلى لو جيتى سألتيهم عنى واحنا متخاصمين كلامهم هيكون زي كلامهم عنى واحنا متصالحين ؟


الاجابــة معروفـــة مــن غيــر ما تخمنــوا


طبيعى ان اي اتنين بينهم خلاف حتى لو مرتبطين وبينهم لوف ستورى وقت الزعل ، الوحش هو اللى بيتذكر والحلو بيتشال على جنب لغاية ما النفوس تهدى


وحتى لو كانو اصدقاء او حتى مجرد معارف برضه الوحش هو اللى هيتذكر وعلشان اكون عقلانية كعادتى هنقول الوحش هيتذكر بنسبة 80 %

حلـــــــو كــــــــــــده ؟


اما السبب اللولبى لكتابة البوست دا هو سؤال نفسى ان كل واحد يسأله لنفسه


ازاى احكم على حد بناء على وجهة نظر اطراف تانية ؟؟

وليه منحكمش عقلنا احنا

ايه معاقين ذهنيا ؟ واللا مخنا بريح من الخميس الصبح للسبت اخر النهار ؟



وبرضه علشان انا انسانة عقلانية هرجع واقول ان يا جماعة

احنا احكامنا واراءنا على الناس بتكون نسبية


يعنى الشخص اللى انا اشوفه كويس ممكن جداااا غيرى يشوفه مش كويس

ودا بيعتمد على مدى اختلاطى بالشخص دا ودرجة قربنا والمواقف اللى حصلت بيننا واللى تخلينى قادرة انى احكم بمنتهى المنطق والعقل والعدل ان الشخص دا كويس واللا لأ


فيه كمان حاجة مهمة بتغيب علينا وهى


الكيميــــا بيـــــن النــــــاس

فيه حد من اول ما تشوفه تحس انه شفط الاكسجين من الهوا وهو السبب فى خرم الاوزون وتحس انه الاساس فى كل الكوارث الطبيعية والمشاكل البيئية ولابد ان ينقشع من البلد على اول صاروخ طالع المريخ بلا عودة


رغم ان ممكن ناس تانين يبقو شايفين الشخصية دى عثل عثل وابن حلال مشفى والنبى


والعكس صحيح جدااااا برضه

ممكن ابقى انا واقفة فى زور حد ومش طايقنى

فانشاء الله انشاء الله اى حد بيكرهنى افضل كاتمة على نفسه لغاية ما اجيب اجله وينتقل الى الرفيق الاعلى ويحطوا فى جهنم السيخ المحمى فى صرصور ودنه

وانا اروح على قبره واعمل ببببــ

بارتى طبعا .. اوعوا تكونو فهمتونى غلط تانى ( وش ملاك )



بجــــــد بجـــــــد

يا ريت منسلمش وداننا ولا عقلنا لحد يلعب فيهم ويخلينا نشوف الموقف بعينيه او من وجهة نظره اللى بتكون مبنية فى الاساس على حسابات ملناش احنا علاقة بيها

واحتمال كبير انه ينصب على وداننا وميرجعهاش ودى تبقى مصيبة شوفوا انتو جوز الودان بكام فى ظل هذا الارتفاع الرهيب فى الاسعار

حد بقى يندهلى وزير الوادن علشان اناقش معاه هذا الموضوع المصيرى لمستقبل الودان فى مصر والعالم العربى

انـت عقلانـى ؟؟ تبقى مش من مستواايــــااا

هــو الانسان العقلانى مش رومانســى ؟؟

هو ايه العلاقة اصلا بين العقلانية والرومانسية ؟؟

الاسئلة دى انا فكرت فيها ولقيت انى من واجبى انى ازهقكم فى عيشتكم واسلى صيامكم واخليكم تفسرو معايا لغز الاسئلة دى بمناسبة اننا فى رمضان واحتمال ابحبح ايدى و يبقى فيه جوايز

فى الاول انا مضطرة انهار واعترف انى من الشخصيات اللى بيطلق عليها لفظ

( إنتى انسانة عقلانية )

هو انا بصراحة مش بزعل لما بيتقال انى عقلانية بالعكس انا بنشكح جدااا

لانى بحس انى انسانة بفهم الدنيا وعاقلة وبوزن الامور وعارفة انا حاطة رجلى فين ، يعنى مش ماشية فى الدنيا على رأى حليم ماسك الهوا بايديا ماسك الهوا

الغريب بقى انى بحس ان الناس هما اللى بيضايقهم وصف كلمة "عقلانى" وكأنها

شتيمة !! ودايما يربطوا صفة "العقلانية" بصفة عدم الرومانسية

"دا اللى بيخلينى اسأل هو ولامؤخذة ايه العلاقة بين " العقلانية " و "الرومانسية

الرومانسى " دا ايه مواصفاته؟؟ "

يعنى هو عنده خرم مناخير زيادة بيشم منه عبير الحب بزيادة ؟؟

واللا "العقلانى " دا لابس جوز نضارات فوق بعض علشان يشوف الحياة من
منظور اكبر واعمق ؟؟

طيب هو مينفعش بمناسبة الشهر الكريم دا نعمل كوكتيل من الخليط دا ونسميه

انسان " رومانسى متعقل " او عقلانى مترومس " ؟؟

بلاش مترومس دى علشان لو حد قالى انى مترومسة احتمال ميلحقش يرجع بيتهم

واكون كسبت ثواب فى اهله

لالا نتكلــــم جــــــد بقـــــــى

"انا شايفة ان صفة "العقلانية" لا تتعارض تماما مع "الرومانسية

يعنى مش لازم علشان اكون "رومانسية" انى اكون مسهوكة وقاعدة ليل ونهار

اسبل لكل عابر سبيل و44 ساعة فى اليوم بتكلم فى الحب وعن الحب وفائدة الحب فى اتجاه سير المجرات ؟

واللا لازم اكون بوهيمية وعايشة الحياة من غير هدف غير انى احب واقول كلام
حب واعيش قصة حب من غير ما افكر فى مستقبلى وحياتى ؟

الرومانسيـة فــى عينيــا انـا انــى اكــون

انسانة عندى مشاعر ناحية البشر واحس بيهم وبمشاعرهم ومشاكلهم

وانى اكون حد حنين وان اى حد يحتاجنى يلاقينى جنبه

انى اقدر اشارك الناس أحزانهم قبل افراحهم ، مش دى تصنف مشاعر برضه ؟؟

انا بعتبر ان اساس الرومانسية ان الانسان يكون عنده احساس مش بس تجاه اللى بيحبه لكن تجاه العالم كله

لان لو الرومانسى دا مشاعره مقتصرة على حبيبه بس ومدى ضهره لكل الناس يبقى انسان انانى فى نظرى ومعندوش احساس

!! تخيلوا بشوفه معندوش احساس رغم ان الناس بتقول عليه رومانسى

"واكيد برضه مش معنى "العقلانية

انى اكون انسانة متحجرة معنديش مشاعر ومش شايفة غير نفسى واحسب كل حاجة بالورقة والقلم والبرجل وطول النهار اقيس ارتفاع منسوب المياه فى النيل الازرق

ولكــــــــــــن

الوسطية مطلوبة فى كل حاجة بمعنى

"ان الانسان مينفعش يكون "رومانسى بس " ولا " عقلانى بس

يعنى الانسان الطبيعى بيكون عنده عقل وعنده مشاعر بس اللى بيفرق

النسبة بين الصفتين ، فلو زادت المشاعر شوية بيتقال عليه رومانسى حبتين ولو زاد الحكمة والعقل يتقال عليه عقلانى شويتين

ورغم انى زي ما قلت مش بتضايق لما حد يصنفنى انى عقلانية ودا لاسباب خاصة بشخصيتى انى اولا واثقة من نفسى جدا وعارفة انا ايه وعايزة ايه ، وايه اللى اقدر عليه وايه اللى مقدرش اعمله

يعنى من الاخر انا حد عارف حدود قدراته

وقبل كل شىء اى حد بيتعامل معايا بقوله انا كذا والله دا مناسب معاك اهلاوسهلا ولو مش مناسب مع الف سلامة وكانت فرصة سعيدة كتييييير

لكن ان الناس تصنف بعض على انه دا يععععع عقلانــي ، ودا الللللللله رومانسى انا بشوفه ضيق أُفق بَين أو هما عندهم نقص شخصى بيحاولو يعوضوه بشكل او بأخر

كــــل الكـــــلام اللــــى فـــات دا

كان مجرد فتوة صغننة من برنامج " فتـــاوى واحكـــــام " سما هانم وانا قاعدة مستنية عمو المسحراتى

رمضااااااااان كريــــم ..طم ططم طم

لقد اخترقتنى كصاعقة

لا تصدق حين يقولون لك

إنك فى عمري

فقاعـة صابـون عابــــــرة

لقــد اخترقتنـــى كصاعقــة

وشطرتني نصفين

، نصــــــــــف يحبـــــــــك

ونص يتعذب

لأجل النصف الذي يحبك

، أقول لك نعــــــــــــــــــم

، وأقول لك لا

، أقول لك تعـــــــــــــــال

وأقول لك اذهب

أقول لك أُحبـــــــــــــك

وأقول لك لا ابالي

وأقولها كلها مرة واحدة

فـــى لحظــــة واحـــــــدة

وانت وحدك تفهم ذلك كله

ولا تجــــد فيـــه أي تناقض

وقلبك يتسع للنور والظلمة

ولكل أطياف الضوء والظل

لــم يبـــق ثمــــة ما يقــال

!! ... غير أُحبـــــــــك