انـــــت تعرفنــــــــــى ؟
طبعــــــــــــــــــــااااااا
عاشرتنـــــــــــــــــى ؟
طبعـــــــــــــــــااااااا لأ
........ تبقــــــــــــــــــــــــــى
مش هقول حمــــــــراااا بقى علشان احنا فى رمضان بس اوعدونى انكم بعد رمضان كل واحد يحط كلمة "حمرا" مكان النقط
وطبعا اللى حمرا دى عينه اوعوا حد يفهمنى صح انا عارفة النوايا بتروح بعيد استغفر الله استغفر الله
الموضوع اللى هتكلم فيه النهاردة جد كالعادة وعايزاكم تصحصحوا معايا
فكل واحد يروح يجيب كوباية من اللى بيشربه وورايا على الكمبيوتر
هيـــــــــا بنــــــــــا نلعــــــــــــب
قلنا جد مش معقول كده هى المراجيح دى مش هتقفل ابدا
خلاص خلاص لبست النضارة وعدلت الكرافتة
هـــــــــــــــــــــــــــــواااااااا
بادىء ذي بدء يا جماعة اللى اوحالى بالموضوع دا حوار مع احد الشخصيات من يومين
ومن خلال مناخيرى الطويلة وقرون استشعارى اللى قلما بتخيب معايا
لاحظت ان نسبة كبيرة من الناس بتبنى وجهة نظرها فى ناس بناء على وجهة نظر ناس تانيين فى الناس الاولانين
من غير ما تتوهو وتنهاروا كده .. اقروا الجملة تانى وانتو هتفهموا
واللا اقولكم .. انا هحل لكم الفزورة وامرى لله بس انا اللى هاخد الجايزة بقى ها
يعنى انت متكونش تعرف فلان بشكل شخصى اوى او ان العلاقة بينكم من بعيد لبعيد بشكل يخليك متقدرش تحكم عليه كويس
وانا بقى اكون مش بطيق فلان دا وبينى وبينه عداوة او مشاكل او حزازيات وتيجى تقولى وبراءة الاطفال فى عينيك
قوليلى يا سيمو هو انتى ايه رأيك فى فلان ؟
أروح انا محموءة وقايلالك اعوذ بالله دا شخصية خنيقة وكداب وزبالة وما يعلم بيه الا ربنا واطلع كل اللى فى قلبى ناحيته ودا طبعا بيكون "من وجهة نظرى انا "
اللى مش شرط تكون حقيقية
انت تاخد البوقين منى ويتصادف بعدها انك ممكن تعرف حد تانى او تالت يعرف نفس الشخصية دى وبرضه ميكونوش بيطيقوا بعض لاسباب شخصية بينهم ويتكرر نفس الكلام السخيف لكن برضه من وجهة نظر اللى حكى
واللى مش شرط ابدا انها تكون حقيقية برضه
وتلاقى نفسك قعدت على كرسيك زي الباشا وحكمت على الشخصية دى انه زبالة وكداب وابن ستين فى تسعين واحتمال تزود كمان انه حرامى ومطلوب فى 3 قضايا اداب
طبعا انت ضميرك مستريح ونايم وبياكل رز مع الملايكة
ولو حد عنده ضمير لسة مصحصح جه سألك
هتلاقى نفسك بتقوله بنفس ذات البراءة والضمير اللى بيشخر
ابــو ضميــر هيســألك تانــــى
وانت بتحكم على حد متعرفوش كويس ولا حصل بينكم مواقف تخليك تقيمه كويس بناء على كلام ناس تانية ؟
بالذمــــــــة دا كـــــــــلام ؟
ومتقولوش انه مبيحصلش لانه بيحصل وكتير وحصل معايا انا شخصيا كتير
يعنى انا بصادف ناس اسمع انهم واخدين فكرة معينة عنى وعن شخصيتى وتصرفاتى سواء بالسلب او الايجاب وحاكمين عليا بينهم وبين نفسهم بناء على كلام ناس تانين ممكن تكون علاقتى بيهم كويسة وناس تانين ممكن تكون علاقتى بيهم وحشة
فالشخصية دى اخدت الفكرة عنى بناء على اراء الجماهير والفكرة كانت كالتالى
انــى بحـب نفسـى اكتـر مـن اى حـد فـى الدنيـا
فانا بصدر رحب سألت الشخصية دى
وانتى بناء على ايه بتقولى انى بحب نفسى اكتر من اى حد فى الدنيا ؟؟
انتى تعرفينى ؟ او تعرفى شخصيتى كويس ؟ او تعرفى حياتى او مواقفى فى الحياة منين علشان تحكمى عليا بكده ؟؟
وكـــان الـــــرد
اعرفك من حكاوى القهاوى قصدى حكاوى النت ، يعنى كلمة من هنا على كلمة من هناك
اهو بعرف اللى اقدر اقول شئ عنك بيه لما يكون فى حوار عنك
ماهو مفيش اتنين بيكلموا بعض الا بيتكلموا عن حد
وردى كـــــــــــان
حلو اوى المهم بقى الناس اللى انتى بتتكلمى معاهم عنى بيحبونى واللا بيكرهونى ؟
يعنى لو فرضنا انك سألتى ندى عنى هيكون رأيها نفس رد شيماء؟
قالـــــــــــــــــــــت
طبعــــــــــــا لأ
( الاسماء وهمية لزوم الحبكة الدرامية زى ما انتو فاهمين )
رديـــــــت وسألتهــــــــا
طيب هو أقرب ناس عندى فى الدنيا حتى لو من اهلى لو جيتى سألتيهم عنى واحنا متخاصمين كلامهم هيكون زي كلامهم عنى واحنا متصالحين ؟
الاجابــة معروفـــة مــن غيــر ما تخمنــوا
طبيعى ان اي اتنين بينهم خلاف حتى لو مرتبطين وبينهم لوف ستورى وقت الزعل ، الوحش هو اللى بيتذكر والحلو بيتشال على جنب لغاية ما النفوس تهدى
وحتى لو كانو اصدقاء او حتى مجرد معارف برضه الوحش هو اللى هيتذكر وعلشان اكون عقلانية كعادتى هنقول الوحش هيتذكر بنسبة 80 %
حلـــــــو كــــــــــــده ؟
اما السبب اللولبى لكتابة البوست دا هو سؤال نفسى ان كل واحد يسأله لنفسه
ازاى احكم على حد بناء على وجهة نظر اطراف تانية ؟؟
وليه منحكمش عقلنا احنا
ايه معاقين ذهنيا ؟ واللا مخنا بريح من الخميس الصبح للسبت اخر النهار ؟
وبرضه علشان انا انسانة عقلانية هرجع واقول ان يا جماعة
احنا احكامنا واراءنا على الناس بتكون نسبية
يعنى الشخص اللى انا اشوفه كويس ممكن جداااا غيرى يشوفه مش كويس
ودا بيعتمد على مدى اختلاطى بالشخص دا ودرجة قربنا والمواقف اللى حصلت بيننا واللى تخلينى قادرة انى احكم بمنتهى المنطق والعقل والعدل ان الشخص دا كويس واللا لأ
فيه كمان حاجة مهمة بتغيب علينا وهى
الكيميــــا بيـــــن النــــــاس
فيه حد من اول ما تشوفه تحس انه شفط الاكسجين من الهوا وهو السبب فى خرم الاوزون وتحس انه الاساس فى كل الكوارث الطبيعية والمشاكل البيئية ولابد ان ينقشع من البلد على اول صاروخ طالع المريخ بلا عودة
رغم ان ممكن ناس تانين يبقو شايفين الشخصية دى عثل عثل وابن حلال مشفى والنبى
والعكس صحيح جدااااا برضه
ممكن ابقى انا واقفة فى زور حد ومش طايقنى
فانشاء الله انشاء الله اى حد بيكرهنى افضل كاتمة على نفسه لغاية ما اجيب اجله وينتقل الى الرفيق الاعلى ويحطوا فى جهنم السيخ المحمى فى صرصور ودنه
وانا اروح على قبره واعمل ببببــ
بارتى طبعا .. اوعوا تكونو فهمتونى غلط تانى ( وش ملاك )
بجــــــد بجـــــــد
يا ريت منسلمش وداننا ولا عقلنا لحد يلعب فيهم ويخلينا نشوف الموقف بعينيه او من وجهة نظره اللى بتكون مبنية فى الاساس على حسابات ملناش احنا علاقة بيها
واحتمال كبير انه ينصب على وداننا وميرجعهاش ودى تبقى مصيبة شوفوا انتو جوز الودان بكام فى ظل هذا الارتفاع الرهيب فى الاسعار
حد بقى يندهلى وزير الوادن علشان اناقش معاه هذا الموضوع المصيرى لمستقبل الودان فى مصر والعالم العربى
Sunday, September 21, 2008
ودانك لسة مكانها ؟؟
انت تعرفه علشان تقول عليه كده ؟
وانا مالى ماهما اللى بيقولو عليه كده هو انا يعنى اعرفه اكتر منهم ؟
Subscribe to:
Post Comments (Atom)
18 comments:
العزيزه سما
انا موافقاكي الرأي 100% أكيد لازم نعاشر الناس ونفهمهم كويس جدا بعقل ومن خلال مواقف ممكن نعرفهم بس معرفتنا بيهم مهما كانت متديناش الحق فأننا نقول رأينا فيهم لان صعب ان عقول كتير تدرك ان كل انسان بيتكلم عن آخر بيتكلم من وجهه نظره الشخصيه جدا وكمان نادر لو حد وصف حد بطريقه حياديه خصوصا احنا العرب عواطفنا بتغلب في كلامنا سواء بالسلب أو بالايجاب حلو اوي البوست تحياتي
هو انا اول كومنت
طيب اعلق بقاء
موضوع الحكم السماعى على انسان او الظنى مش دائما صح يعنى مثال لو احنا اتنين اتعاملنا مع شخص واحد وجه التانى قالى علية كلام لو مكنش عندى ما يؤكد وجهة النظر دى اكيد طبعا حخالفة الراى بس لو كلامة صادف بعض ظنونى او مواقف سابقة بينى وبينه حصدق
كمان حاجة لو اجمعوا اتنين او ثلاثه على شخص معين اكيد طبعا العيب فى الشخص مش في اللى اجمعوا
بس العودة للتدوين قوية
حمدلله على السلامة
سما
انا عارفة ان الكلمة دي انتي عايزة تكتبيها يافطة وتكون بتنور وتمشي بيها اي حد يتكلم او يعمل حاجة
تضايقك تروحي رافعة اليافطة وتنوريها
بس وطبعا وبما اننا فى رمضان فاانتي حتعملي زي الناس اللى فى الحج اللى لما حد بيضايقها
تكتب ورقة تشتم فيها هههههههههههههه
انا بشرب شاي اهو قبل مااعلق عشان اصحصح واعرف اعلق تعليق تفهميه ونبي
اقولك رايي بقى فى الموضوع وةانتي عارفة رأيي منمن بقى وسع ياجدع
انا معرفش فلان بس سمعت انه عصبي وعنيد وانه ..وانه
حاخد الكلام ده واسمع رأيي تاني نفس الكلام بيتقال هو هو
وخلي بالك انا بسمع من ناس مصدر ثقة ده غير انهم اقرب ناس واكتر
ناس اتعاملوا مع الشخص ده
طيب واسمع كمان من حد بيعرفه بس مااتعاملش معاه اوي
وطلع نفس الكلام يعني نفس الكلام هو هو مع زيادات طفيفة
ايه رايك فى طفيفة دي حلوة صح هههههههههههه ياسلام عليكي يامنمن لما تبدعي بقى
ياسما ده فى مثل بيقولك لو اتنين قالولك دماغك مش راسك حسس واتاكد
يعني لما فى كذا حد يجتمع بنفس الرأي لايمكن يبقى كل الناس كاره الشخص ده
بصي ممكن واحد يكون بيكرهني وواحد مش مستلطفني وواحد غيران مني
اوك انا معاكي
بس كل دول مايعرفوش بعض ومع ذلك كل دول قالوا نفس الكلام هو هو
بس لو اتكلمت مع اتنين اصحاب وقالوا نفس الكلام يبقى منطقي دي قالت لدي فدي
صدقت دي
لكن كذا حد واتنين يعرفوا بعض بس الباقي لا
يبقى الشخص ده اكيد فى حاجة غلط
وانا معاكي ان فى حاجة اسمها الانطباع الاول
فى ناس تستريحي ليها من اول لحظة
واحتمال لما تتعاملي معاهم تلاقيهم زبالة
وممكن برضه تحبيهم بعد كدة
وفى ناس اول ماتشوفيها تكرهيها وتحسي انك مش مستريحة معاهم
وكرها حياتك وانتي شيفاهم
بس تسمعي من كذا حد انهم ممتازة
تقولي دي ناس هبلة
تيجي مرة الصدفة الغير محببة تجمعك فى مكان مع الشخص ده وتسمعيه بيتكلم معاكي او مع غيرك تقولي ايه ده انا ظلمت البني ادم اوي
ده طلع لذيذ ودماغه حلوة بجد
وتلاقيه بقى اقرب انسان ليكي
بتحصل والله ياسما كتير
بصي احنا ناس غريبة جدا بجد
لما تسمعي من كذا حد ان الانسان ده وحش واوعي تقربي منه
لو قربتي منه انتي وهو فى بوكس واحد ويتعملك قضية
وانتي متعرفيش الشخص ده اصلا ولا عاشرتيه خالص
فتلاقي نفسك وانتي قاعدة معاه ماسكة المطواة وفتحاها بس مخبياها
وبتقولي اول ماحيقرب مني حغزه ههههههههه
وطبعا لو دي نيتك معاه مهما هو عمل مش حتقدر تغيري وجهة نظرك
لان كل مايعمل حاجة حلوة حتقولي لألألأ ده بيمثل معقولة كل الناس غلط يعني
لايمكن فطبعا يبقى خلاص الشخص ده خسر القضية من قبل مايفتح بوقه معاكي
وفى ناس تحبيها من كلام الناس عليها
بس لو اتعاملتي معاهم ولاقيتي انهم غلسين تقولي مين الحمار اللى قال ان
الشخص ده دمه خفيف اصلا
انا عايزة اعرف مين اللى زقني فى البلاعة ههههههه
الخلاصة بقى لاني حسيت ان بعد الرغي ده حعمل زي التعليق اللى فات وبرضه
مش حتفهمي انا معاكي ولا ضدك
انا عن نفسي مش بدي ودني لاي مخلوق بل بالعكس
انا لو عايزة تقربيني من حد اشتمي فيه حتلاقيني اعرفه اوي
بس تعرفي انا برضه بقول لنفسي لو لاقيت كل الناس شتمت فى شخص واحد ورايهم واحد وكلهم مايعرفوش بعد يعني قولي كدة تقريبا 5
اشخاص وماتسالنيش اشمعنى 5
حقول يبقى اكيد فى حاجة بس انا اللى حكتشفها بنفسي بقى
ووسع ياجدع وماحدش يحوشني
بس مش حعمل زيي الناس وامسك مطواة
لا حفتح قلبي ليه بجد واحاول بجد اتعامل معاه بقلبي
بس مأمنش اوي وفى نفس الوقت مخونش برضه
لغاية الايام ماتثبت الناس صح ولا انا اني ادتيه فرصة انه يبثت العكس
اصلي انا مقتنعة بحاجة من امنك لا تخونه ولو كنت خاين
يعني لو شخص وحش وشافني انا فاتحة قلبي اوي ليه
مهما كان وحش المفروض مايخونش ثقتي فيه ابدا ويحاول جاهدا انه يبقى كويس ويبقى على قد الثقة اللى
انا ادتهاله
ونبي ونبي ونبي قولي انك فهمتي من رغيي الغير طبيعي ده
فهمتي اقصد ايه فى الاخر
معلش انا معاكي بقى برغي وانتي السبب وحتخلي الناس تقول عليا رغاية
تحياتي ليكي وعلى مواضعيك الجامدة
وبطلي ونبي موضوع البلكونة
على راي محمد صبحي انا اتفضحت اتفضحت هههههههههه
تحياتي ليكي ياقمر
سمـــا
شوفي إحنا كلنا ودنين نوع ما خصوصا مع الناس اللي عندنا ثقة كبيرة في رأيها وحكمهااو مثلا تكوني وجهه نظرك عن عن شخص ما من شخص قريب منه فيجيلك احساس انه اكيد وجهه نظر الانسان القريب منه ده صحيحه لكن انتي متعرفيش دوافعه او مصلحته في انه ينقلك وجه النظر دي سواء صحيحه او خاطئه
لكن أرجع وأكد إن كلامك صح تماما والمثل اللي قولتيه مثل انا بعتقد في صحته كتير وبالرغم من كده
احيانا برده مبنقدرش نحكم علي شخصية الانسان اللي عاشرناه حكم صحيح
خالص تحياتي
أغصـــان
نصاب الشقق التمليك بالمعادى / محافظة القاهرة
الـــــى السيد المستشار / النائب العام
الى السيد اللواء / حبيب العادلى وزير الداخلية
الى السيد اللواء / أحمد جمال الدين
مساعد وزير الداخلية مدير ادارة تنفيذ ألأحكام
الى السيد اللواء / مدير مباحث أمن الدولة
الى السيد اللواء/ مدير مباحث ألأموال العامة
مطلـــــــــوب القبــــــض
علـــــى نصاب عائلـة الزينــــى
نصاب الشقق التمليك بزهراء المعادى / بالمعادى / بمحافظة القاهرة
المهندس / ايهاب فراج محمد ابراهيم الزينى
وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 11/4 /2007 م وهـذا النصاب صادرا ضدة اكثر من سبعون حكما قضائيا
وعنوان سكنه وعنوان الشركة
شركة الزينى للتعمير 56 طريق مصرحلوان الزراعى / برج بدر أمام فندق المعادى
بطاقة رقم 27003211203839و النصاب يتنقل بين
مدينة 6 أكتوبر بمحافظة الجيزه
و مدينة المنصورة بمحافظة الدقهلية
ومركز بشبيش بطنطا بمحاظة الغربية
واليكم على سبيل المثال لا الحصر بعضا من القضايا المحكوم فيها على هذا النصاببالسجن وهــــى :ــ
ـقضية رقم 5124 لسنة 2007 م ثلاث سنوات جلسة 6/12/2007م
قضية رقم 4075 لسنة 2007م جلسة 3/12/2007 م
قضيه رقم 4073 لسنة 2007م جلسة 3/12/2007م
قضية رقم 28965 لسنة 2006 م جلسة 5/11/2007م
قضية رقم 32112 لسنة 2004 م جلسة 29/7/2007م
قضية رقم 13421 لسنة 2003م سنه حضورى جلسة 12/3/2005و
قضية رقم 5977 لسنة 2008حصر رقم 3316 لسنة 8002 ( ستة أشهر حبس ) بتاريخ 25/6/2008
قضية رقم 6098 لسنة 2008 حصر رقم 2906لسنة 2008 شهرين حبس بتاريخ 4/6/ 2008
قضية رقم 5978 لسنة 2008 حصر رقم 3039 لسنة 2008 / حبس 6 أشهر سجن بتاريخ 11/6/2008
قضيه رقم 6099لسنة 2008م حصر 2947لسنة 2008 ستة أشهر سجن جلسة 5/6/ 2008
قضية رقم 10030 لسنة 2008 حصر برقم 5979 لسنة 2008 سنــــــــــــــــة سجن جلسة 3/7/2008
بالاضافة الــــــى أربعة عشر حكما صدرت ضده باحكام بالحبس شهرا لسرقته التيار الكهربائى بعمارات الرقابة ألأدارية بالبساتين رقم 13 و 23
وماخفــــــــى كان أعظم
انا جييييييييت هيه:)
اولا انا واللهى مش بعرق اتكلم كتير فى الكمنتات:)
كل اللى اقدر اقوله على البوست انها فعلا بتحصل كتير مش هكدب
انه حد مثلا يديكى انطباع عن حد فيلزق فى دماغك وعلى فكرة حتى لو قلتى مش هتاثر وهكتشف انا طبيعة الانسان صدقينى مع اول موقف هتفسرى وتقولى اه صح مهو اتقالى على فلان انه كده حتى لو الموضوع مش مستاهل:)
دى بتحصل تلقائى ملهاش دعوة بالتخلف ههههههه
تحياتى
سما
انا رأيى ان فيه اختلافات فى المواقف تخلينى مقدرش اخد حكم قاطع فى الموضوع ده لانه بيعتمد على عوامل كثيرة مثل
درجة معرفتى بالشخص اللى بيدينى حكم عن شخص آخر
مدى علاقتى بالشخص الاخر
مدى اقتناعى بموضوعية الشخص الاول
قدرتى على التفرقة على الحكم الناتج فقط من اختلاف الشخصيات او الحكم الناتج عن مواقف فعلا سيئة وسلبية حدثت من الشخص التانى
يعنى لو لى صديقة قريبة اثق فى شخصيتها وحكمها على الناس وموضوعيتها وقالت لى ان سين شخصية سيئة، الحقيقة هذا الرأى لا يمكن ان اتجاهله، قد لا اعامل سين مائة بالمائة على انها سيئةولكنى لن استطيع تحييد رأيى فيها وساظل متوجسة منها
تجارب الاصدقاء الذين نثق فيهم تساعدنا على تكوين رأى فى الاخرين وكلما ازدادت الثقة والمعرفة ازداد صحة الرأى من وجهة نظرى
هذا فيما يتعلق بالرأى تجاه الاخرين دون ان يكون هناك بالضرورة رد فعل من جهتى
يعنى لو سين التى اثق بها وبرأيها قالت ان صاد شخصية حقودة او كاذبة، سبظل هذا الحكم فى رأسى عن صاد
لو حصل وقابلت صاد قد اعاملها بذوق طالما لم اتلسع منها ولكن لا اعتقد انى ساحاول التقرب منها او مصادقتها دون الجهر بالعداء طبعا تجاهها
يعنى فى النهاية العامل الحاسم فى هذه المواقف هو تقييمى لمدى موضوعية سين وقدرتى انا على التفرقة على الخلافات الناتجة عن اختلاف الكيمياء والاختلافات التى تعكس خلل اعمق فى الشخصية
معرفش يا سما كلامى واضح ولا لا، باقى كام ساعة على الفطار وبصراحة مش قادرة اجمع كويس
عزيزتى سما
=========
الى حد كبير رأيك صحيح
لكن .. رأى الناس فى اى حد يتعتمد اساسا على نوع العلاقة .. يعنى لو هى تجارية .. فالحكم على مدى الامانة المتبادلة بين الاثنين دون دخول على صفات اخرى لان المجال لم يسمح .. واذا كانت عاطفية فعلى قد العلاقة وقد ايه هى متوهجة .. مسألة الكرم والبخل بتبان لو تحولت العلاقة .. خطوبة مثلا وهكذا ..
على فكرة .. ممكن بعد فترة طويلة من الفراسة والعلاقة اللصيقة تطلع برضه ماتعرفش فلان حقيقى فتقول
ياااه .. انا عمرى ماتخيلت انه كده ولايبان عليه ..
من هنا يقول الرسول
اظهروا لنا احسن ما عندكم .. والله اعلم بالسرائر
العدل يقتضى ان نعرف عن فلان من اكتر من مصدر .. فاذا اجتمعت عليه مجموعة .. فلابد ان يكون لذلك سبب وجيه .. صح؟
2eh ya basha bas:
kol youm song
yalla
hagelek tany
bas el song beta3t 7osam 7abeb deh ana ba7ebaha moot aslan
salam ya mozzah
o sa;lamy l nardeen
العزيزة مثلية تبحث عن ذاتها
العرب شعب عاطفى بيحكم عواطفه اكتر من عقله ومن الصعب انك تلاقى شرقى حيادى فى وصفه او حكمه على طرف تانى وخصوصا لو فيه بينهم خلاف لانه فى الاخر بيوصف الطرف التانى من وجهة نظره هو اللى بتكون مبنية فى الاساس على تاريخ سىء بينهم ولو الاساس بينهم حلو هيمجده كانه اله
مبسوطة ان البوست عجبك ومنورانى دايما
خالص الود
رئيس جمهورية نفسه
محمـــود باشــــــا
طبيعى انك تسمع وجهة النظر اللى اتقالت لك باهتمام والافضل انك تتأكد بنفسك وقبل كل حاجة تبقى عارف الهيستورى اللى بين الطرفين واذا كان فيه بينهم مشاكل مثلا واللا مكنوش يعرفوا بعض كويس ودا مجرد انطباع واللا فعلا وجهة النظر اللى اتنقلت لك حقيقية ؟
وفى النهاية لازم انت اللى تاخد القرار النهائى للحكم على الشخصية دى اذا كنت مهتم انك تعرفها واذا مكنتش مهتم يبقى اسمع من الودن دى وطلع من الودن التانية
منورنى دايما يا ريس
كيارا
منورة يا فندم لاول مرة واتمنى متكونش الاخيرة
اسمك حلو اوى بس غريب اوى برضه وعايزة اعرف هو دا اسمك فعلا واللا تمويه ؟؟
بالنسبة للى انتى عملتيه هو صح مليون فى المية لانك واجهتى مسمعتيش الكلام واخدتى جنب وكبرتى دماغك .
ومتهيألى انك لقيتى اللى بيقولو ان البنت دى بتشتم فيكى بيقولو لها انك بتقولى عليها نفس الكلام
الحركات دى بقى اللى انا دايما بقول عليها قاعدة الشلتة ونفسى مرة الشلتة تقع بيها ويتكعبلو على لسانهم ويتقصف
شريرة اوى انا : ))
تحياتى ليكى يا كيارا
كلام من القلب
جبتى المترجم معاكى واللا لأ ؟؟
طيب استنى اقرا تعليقك تانى احتمال اجمع
هو انا قلت لك على النت انى فهمته ؟؟ هههههههههههههههههه
طالما قلت انى فهمته ابقى فهمته .. عيييييييب .. انتى عارفانى لما اهز راسى ابقى فهمت كل حااااااااااااااااجة
نرد بقى يا باشا
انتى عارفة ان الكلمة دى مقدسة عندى وغالية على قلبى كل لما حد يكلمنى اقوله حمراااا بس لو حد قالى هى ايه اللى حمرا طبعا مش هقدر اقوله هههههههههه
احتمال اقوله وانت مالك يا بارد مناخيرك دى طولت زيادة عن اللزوم واحتمال اقصها
بصى يا قمر طبعا انك تجمعى المعلومة من اكتر من مصدر دا منتهى الموضوعية منك
بس خدى بالك انتى ذكرتى فى المثل ان الناس بتقول على الشخص اللى سألتى عنه عصبى وعنيد ودى صفات ممكن ميجتمعش عليها اكتر من شخ
ليه؟
هقولك ليه
لان ممكن العصبية والعند تظهر كرد فعل لشخص ومتظهرش لشخص تانى يعنى ممكن الشخص دا يكون بيتعامل مع شخص طريقة كلامه او عرضه للموضوع او اسئلته مستفزة فعادى جدا انك هتلاقى رد فعلا الشخص دا سخيف وحاد وعدوانى
وممكن تلاقيه مع شخص تانى طيب ورقيق وصوته واطى وشخصية لا عصبية ولا عنيدة
ليه ؟ لان الشخص اللى بيتعامل معاه عرف ازاى يتعامل وعرف ازاى يتجنب استثارة اي روح سلبية فيه
يبقى حتة العصبية والعند اللى انتى اخدتيهم فى المثل دايما هيختلف عليها الناس
لكن لو صفات جوهرية زى ان الشخص دا مثلا كداب او خاين او بتاع مصلحته بلا بلا بلا يعنى اى صفات فعلا جوهرية فى نفسية الانسان
فدى انا معاكى ان الاجتماع عليها فى الرأى هيكون صح جدا وهيبقى فعلا الشخص دا فيه حاجة غلط
موضوع الانطباعات الاولى دا مشكلة معايا انا شخصيا
لانى دايما اول انطباع باخده عن الشخص الى حد كبير جدا مش بيتغير مع الوقت الا فى حالات قليلة جدا
يعنى كان فيه بنت معايا فى المدرسة وكنت بشوفها فى النادى وعمرنا ما اتكلمنا بس مكناش بنطيق بعض وحتى مكناش نعرف اسامى بعض
وبعدين بقينا فى نفس الفصل فى تانية ثانوية وعايزة اقولك اننا اصحاب لغاية دلوقتى وعلى طول تسأل عليا رغم انها سابت مصر
وخدى بالك برضه ان فيه فرق بين حد تشوفيه ودمه يبقى تقيل على قلبك وحد تانى متستريحيلوش
يعنى انى حد اتكلم معاه ودمه يبقى تقيل على قلبى فدا مش مشكلة هفضل اكلمه عادى يمكن استظرفه بعدين لان ممكن يكون اول تعارف بيننا مثلا واللى قابلته موده مش حلو فاكيد دا هينعكس على المقابلة ، لكن لو طلع دمه تقيل فعلا يبقى بالتوفيق يا توفيق انتى عارفة مليش انا الرخامة يا عم ربنا يجعل كلامنا خفيف عليهم
لكن ان حد اقابله ولما ابص فى وشه وعينيه وهو بيتكلم ومستريحش مستحييييييييل يطلع الشخص دا كويس حتى لو بعد مليون سنة وحتى لو كل الناس قالت عليه ملاك وانا اراهن على الموضوع دا برقابتى .. شفتى وانا بقولك برقابتى بثقة ؟
فى النقطة دى تحديدا انا عمرى ما احساسى كدب مش هقولك خبرة بقى ووسع يا جدع لكن احساسى وقرون استشعارى انتى عارفة مودينى فى داهية
اول ما قرونى ارسالها يشتغل نشم ريحة شياط وحريييييقة حريييييقة
والناس يقولو الاوضة هتولع يا سيمو وانا اقول لهم اوك بس ردو الاول وبعدين روحو طفوها : )))
عجبتنى اوى حتة اكيد فيه حاجة وانا اللى هكتشفها بس والله لو مسكتى مطوة وطيرتى رقابته هيبقى افيد للبشرية انتى عارفة الناس دول ملوا البلد وانتى اللى دايما جايبالهم الكلام هههههههههههههههههههههه
على فكرة المثل بتاع من امنك لم تخونه دا انا مسمعتوش من الخمسينات انتى عارفة انا ذاكرة السينما ، بس على فكرة برضه اللى الخيانه والشر فى دمه عمره ما هيتغير دى جينات يا امى هههههههههه وكل لما هتأمنى له كل لما هتكون طعنته اكبر بس لما تجيله الفرصة للغدر
حاضر يا منمن مش هقول على موضوع البلكونة
طيب ممكن اقول على موضوع الباسكت ؟؟؟ هههههههههههههههه
وبجد بتعجبنى ارائك وخصوصا لما السبابة يترفع وتقوليلى بصى يا سما وتدينى مثل مفهمش منه اي حاجة واتوه عن الموضوع الرئيسى اللى انتى اصلا لسة محكيتيهوش : ))
منورانى يا جميل
اغصان
اولا منورة فى اول زيارة للمدونة
فيه جملة انتى قلتيها بس مش متأكدة انتى تقصديها واللا تقصدى عكسها
الجملة هى
مثلا تكونى كونتى وجهة نظرك عن شخص ما من شخص قريب منك فيجيلك احساس انه اكيد وجهة نظر الانسان القريب منه دى صحيحة لكن انتي متعرفيش دوافعه او مصلحته في انه ينقلك وجه النظر دي سواء صحيحه او خاطئه
يعنى لو انتى اخدتى وجهة نظرك فى شخص ما من شخص قريب من الشخص اللى عايزة تسألى عنه والشخص اللى قريب منه دا جه قالك كلام وحش عنه فاول حاجة لازم تعرفيها ان الشخص دا غير امين وغير محترم
وزى ما اتكلم وحش عن الشخص اللى قريب منه دا فى يوم من الايام هيتكلم عنك انتى كمان وحش واللى مفروض تعمليه انك تاخدى حذرك اولا من الشخص دا قبل الشخص التانى
وانتى صح جداا وانا موافقاكى ان الانسان ممكن يعاشر ناس سنين وفى الاخر يكتشف انه ميعرفهمش
منورانى وخالص التحية
Princess
يا فندم منورة ومش مهم ترغى كتير واللا قليل خدى راحتك على الاخر
برضه وجهة نظرك ممكن تكون فى محلها الى حد كبير بس دا مع الناس الشكاكة اللى زي حالاتى
دايما يقولو انى حاطة الناس تحت الميكروسكوب بس كلام فى سرك انا فعلا من الشخصيات اللى صعب اوى اوى اوى ادى حد ثقة لكن لما بدى الثقة بتكون ثقة مطلقة
كلامك بيفكرنى بمثل بيقول الزن على الودان امر من السحر
يعنى قرب حد مصدر ثقة منك اكيد رأيه فى كل حاجة تخصك هتفرق معاكى وخصوصا لو زى ماقلت انه يبقى مصدر ثقة يعنى هيلعب على كل اوتارك وانتى ولا هنا
ربنا يستر
منورانى يا جميلة
روز
زي ما قلت فى احد الردود ان علاقتنا وقربنا بشخص نثق فيه ممكن تاثر بشكل او بأخر فى حكمنا او بعلاقتنا باحد الاشخاص
لكن انا من الشخصيات اللى بعيدا عن كلام المحيطين الانطباعات الاولى عندى تدوم ولكنها ليست الانطباعات الخاصة بالكيميا بينى وبين الطرف التانى
بمعنى لو انى قابلت شخصية فى مكان ما ولم تحدث بيننا كيميا فهذا لن يتعارض مع حكمى الموضوعى عليها كانسانة جيدة او سيئة
ولكن اذا كان الانطباع الاول عدم ارتياح او ريبة وخصوصا عندما انظر فى عين محدثى مباشرة فاذا شعرت بعدم ارتياح فهذا الانطباع لن يزول ونادرا ما يخيب ظنى بشأن الحكم على هذه الشخصية حتى لو اختلف الجميع معى
فانا أؤمن ان العين هى نافذة الروح حتى لو كانت خجولة ومش بتقدر تستمر فى النظر فى عين حد لمدة طويلة : )))
بس فى الاخر بتعكس اللى جوة القلب والروح واللى ورا الشخصية كمان
بالاضافة زي ما ذكرتى لقوة العلاقة والارتياح ومصدقية الطرف القريب منى ومنى اندماجى مع الطرف التانى والمواقف واختلاف الثقافات والطباع الخ الخ
انا بقى دلوقتى الساعة بقت سبعة الا ربع الصبح وتقريبا برد على حاجة غير تعليقك اصلا : ))
منورانى دايما يا قمر وصباح الفل
عزيزى شريف
انا عجبتنى وجهة نظرك فى موضوع ان احنا فى علاقاتنا بنركز على ايه اللى يهمنا من الشخص يعنى فعلا فى البيزنس يهمنى ان الشخص يكون قد كلمته ومنضبط فى مواعيده حتى لو كان شيطان رجيم
وفى العلاقات الشخصية برضه اللى بحتاجه من الصديق غير اللى بحتاجه من الحبيب يعنى ممكن عيوب اتغاضى عنها فى الحبيب لان عندى رصيد حاجات تانية يشيل العيوب دى لكن مع الصديق هيبقى ليا وقفة حاسمة
خالص الود
knok knok:
ana geeetbas shewaya o hagy tany bardo
Post a Comment