.. سأبدأ من قمة الصدر
.. سأبدأ من أول الخصر
إن كنتِ تعتقدينْ
بأني تلعثمتُ مثل التلاميذ ..فوق السريرْ
إن كنتِ تعتقدينْ
بأني تصرفتُ كالأغبياءْ
أمام دموع المرايا .. وشكوى الحريرْ
..سأبدأ من شفتيكِ نزولاً
إذا كنتِ تخشينَ من غربة الليل والزمهريرْ
.. سأبدأ من قدميكِ صعوداً
.. إذا كان لابد لي أن أموتَ
لأربـــــح هــــذا الرهـــانَ الكبيــــرْ
نــــزار قبانــــــى
16 comments:
سما هانم
انا مش فاهمة قبلها قبلة ودلوقتي البوست ده وصف للي بعد القبلة ولاايه ههههههههههههه؟؟
يعني الصورة تجنن ده اولا انا احب انوه للموضوع ده الصورة تحفة
اما بقى البوست اللى فيه الكلام الكبير ده فمش عارفة اقولك ايه
بس هو صحيح ياسمسم يمناسبة الكديسة بقى يعني ايه الزمهرير
انا قرتها الزهايمر بصراحةوقولت ان كدة كلمة منطقية اكتر مش مهم ليها معنى فى الكلام ههههههههههههه
البوست جميل اوي اوي وبصراحة انتي حببتيني فى نزار
حبقى اتابعه بقى
بصي انا مردتش علىالبوست اللى قبله وقولتلك السبب طبعا بس قولت مبدهاش بقى انا حدخل بأدبي ومن غير مااقول حاجة بس بذمتك مش انا مؤدبة؟؟
اصل انا عارفة ناردين لو فتحت بوقي حتاويني هههههههه
سؤال اخير ونبي انتي كسبتي الرهان ولاايه النظام ؟؟؟
بوست روعة واختيارك دايما موفق وتحفة فنية ياجميل
طبعا مش عايزة اقولك اني لما علقت اول مرة كنت قافلة الصوت فمسمعتش الاغنية
طبعاانتي عارفة انا الاغنية دي تحفة فنية بجد تحسي ان واحد بلطجي بيغني
اه صحيح هوانا مش بذلك يعني ولا حاجة بس احب افهمك حاجة صغيرة فى وسط الكلام
اني اول تعليق ها واخدالي بالك انتي يعني ابتدي عدي الجمايل اهو
والله اخيرا بقيت اول تعليق ده جالي بعد شوقة بقى ههههههههههه
الله يرحمك يا نزار مسيبتش حته مشعرتش فيها والله التعليق علي القصيده دي مش عارفه اكتبه من اليمين للشمال ولا زي الصينيين من فوق لتحت (انا طبعا مقصدش حاجه عيب) بس القافيه تحكم
بوست معبر
يا ترى نزار بدأ منين فالآخر "لول"
نور
جرئ نزار لكن بحب جراءته
بوست حلو
تحياتي
bosy ya batta ana hagy tany
bas ya3ny 2eh zamahrareeer
عشان خاطر هوانم جاردن سيتي : معني كلمة زمهارير : هي البرودة الشديدة القارسة زي ليل طوبة كده ياحلوين .. شفتوني وانا عايشة ف دور خوجة العربي ? يالا افرحو وادعولي بعلمكم وأكل من بيتنا :))
هاى يا جميل
سأبدأ من أول السطر
:)
و أقول انى مكنتش ناوية أعلق
مش مدونتك بالذات لكن عموماً أنا مليش مزاج دلوقتى
لكن البوست لا يقاوم بصراحة
:))
بكل عناصره طبعاً
و أول عنصر هو الصورة لأنى لما فتحت المدونة عينى سابت كل حاجة و راحت للصورة بعد كده فكرت أقرأ العنوان و بقية البوست
الصورة حلوة أوى
:))
تانى عنصر طبعاً كلمات نزار التى لا يختلف عليها اتنين
لأنه أفضل شاعر قدر يصور لحظات الحب
فعلا مش بيكتب هو بيصور علاقة الحب
من بداية السطر حتى يربح الرهان
من بداية كل شئ إلى أن يموت
يموت حباً طبعاً
:))
تالت عنصر هو الأغنية
أتمنى يكون حد فتح الباب بعد التخبيط ده كله
:))
رابع عنصر لفت نظرى
و هو عنصر مهم جداً جداً
الزمهرير
:)))))))))))))))
تحياتى ليكى و لحبيبتك
انتى باين كنتى مستنية رمضان يخلص وايه تنطلقى فى الموضوعات
طيب يا ستى كل سنة وانتى طيبة
عايزة اتكلم فى موضوع بس مش عايزة ابقى سخيفة وانا الوحيدة اللى بعلق كل مرة على الصور لول
الصورة الجديدة تشبه الممثلة بسمة، صورة النصف الاسفل من الوجه
دى صورتها؟
حد كان كاتب فى تعليق عند بنت القمر ان بسمة أصولها يهودية، سمعتى حاجة عن ده؟ اول مرة اسمع الموضوع ده وان جدها كان من الشخصيات اليهودية المعروفة القديمة فى مصر، بس الظاهر همه اسلموا ولا حاجة
بتعجبنى على فكرة
ـــــــــ
بالنسبة لاسم الكلب، بناديه لاكى دلوقت، اما البنت الانجليزية مش موجوده اليومين دول لانها ساعات بتروح تقعد عند صاحبها
ـــــــــــ
طبعا ظريف جدا ان الواحد يبان اصغر من سنه، وبالنسبة لى الموضوع الظاهر وراثة لان بابا برضه كان الناس دايما فاكرينه عشر سنين اقل من عمره الحقيقى لحد تدهور صحته فى السنوات الاخيرة
فالظاهر اننا اغلبنا وارثين الحتة دى منه
ــــــــــــ
على فكرة انا رديت عليكى عندى وقلت ان كنبتى مش نبيتى ولا حاجة وانا كنت بهزر
كنت عايزة اقول لك كده فى آخر التعليق اللى قلتلك فيها انى غيرت لونها، بس رجعت قلت علشان اعملك جو سسبنس شوية اقوله فى تعليق لاحق بعديها بيوم، او قلت انك اكيد هتعرفى انى بهزر
ارجو تقبل هزارى السمج
ــــــــــــ
طيب سلاموس دلوقتى
2eh ya 3am el new look el gamed dah bas 3al blog
aslan el frawla elly fo2 deh manzarha 3ayez yetakel
asl ana bamoot feha aslan 3aseer or keda
salamoz ya gamiea
كلام من القلب
منمن باشا
ايه الناس دى ؟ بقى بوست القبلة قعدتى تقوليلى لا استطيع التعبير عن مكنون مشاعرى؟؟
هو دور بتاع مجنون واللا ايه ؟ ها ها ها .... فكرى بقى فى الجملة وقوليلى مين قالها ولو مفتكرتيش هعلقك من حواجبك لان الجملة دى انا قلتهالك قبل كده فعلى الله تكونى نسيتى
ادينى شرحت معنى زمهارير لهوانم جاردن سيتى قبل ما يجيلى زمهيار بسببكم .. بقى اسمها زمهيار يا مفترية ؟؟ اوعدك هنسى العربى يعنى هنسى مفيش فايدة : ))
يا فندم مش انتى بس اللى بدأتى تحبى نزار دا واضح ان حُبه انتشر فى بلوج سبوت كله .. بس على رأى نبيلة عبيد الرَك على الاصصصل : )))
ايوة انتى جيتى تعلقى ومش قادرة تقولى حاجة نظام انا جاية اقول ان البوست حلو بس مش هقدر اقول حلو ليه ولو حد سألك مش هتقدرى تقولى ليه يا منمن ؟؟شاورى على ناردين بصباعك واعملى وشك كده
و ناردين تطلع تقولك ايه يا انسة انا مش كوز ذرة مشوى هنا ولو عايزة تعلقى علقى من غير تفاصيل لو سمحتى والاحسن تعلقى من غير كلام ولا كتابة او متعلقيش خالص اريح : )))
بس انتى عارفة انا برضه مدياها سلطة رابعة تتاوى اى حد مش عاجبها كلامه ، مع انى مش بعمل عندها كده لما الانونيموس بيدخلو يقولو شعر بس مضمنش هفضل مؤدبة لغاية امتى شكلى قربت اتحول يا مرسى
اما بخصوص الرهان .. انتى عارفة الدنيا غالب ومغلوب بس عادةً انا مبدخلش رهان الا اذا كنت ضامنة المكسب فى جيبى
انا عارفة يا هانم انك بتحبى غنوة الاخ اللى عايش فى دور سباك وجاى يخبط علشان يظبط دا : ))) وانا كمان بحبها اوى بصراحة بس كلمة بظبط دى عملالى ازمة من اول ما سمعت الغنوة حاسة انها عملالى نشاز فى ودنى، بس هقول ايه حماقى بقى يظبط زي ما هو عايز وانا لما اجى اغنى هبقى اقصها واحط بدالها أعبَط
يا ستى عدينا الجمايل الاولة واحد ملوش تانى ههههههههههه
منورانى يا قمر
أنونيموس
اشكرك على المرور واعتقد ان نزار بدأ من اول السطر
تحياتى
مثلية تبحث عن ذاتها
نزار عاشق للمرأة وسالب عقول النساء ايضا برغم رحيله
منورانى دايما
هابى هوب
إبدئى من حيث شيئتى البيت بيتك يا جميل :)
ليه بس يا فندم ملكيش مزاج اللهم اجعله خيييييييييييييييير
نزار بصراحة لا يقاوم حتى لو قال ريان يا فجل : ))
واعتقد ان الست اللى كانت معاه حتى ولو كعلاقة عابرة اكيد مقدرتش تنساه بس تفتكرى هو فعلا كان عنده المشاعر دى تجاه المرأة واللا حرفة لغوية ؟؟ الله اعلم .. المهم ان احنا مبسوطين بكلامه : ))
انا اكيد سعيدة ان عناصر البوست كلها عجبتك واتمنى اكون عند حسن ظنكم دايمااا
يادى الزمهارير .. الكلمة دى من كتر ما اتقالت فى البوست دا حاسة ان المطرة هتمطر وهدخل البلوج بعد كده بشمسية : ))
منورانى دايما
Blackcairorose
هههههههههههههههه ايوة انا انطلق وابعبر براحتى بقى مش خلصنا صيام ؟
ثم هو يعنى نزار يحب ويقول وانا اخد الاحراج واللا ايه ؟؟؟ ههههههه
________________________
موضوع بسمة دا انا لسة هعس لك عليه انتى عارفة انا لما احط مناخيرى فى موضوع لازم انهيه كما ينبغى
: )))
________________________
ايه دا خلاص قررتو تسمو الكلب لاكى دا انا حتى فكرت لك فى اسم Snowy
بس معلش خلاص خليها للكلب الجديد بس يكون نونو بقى مش غضنفر زي دا
_________________________
على فكرة ظروف باباكى زي ماما لان ماما برضه فضلت شكلها اصغر من سنها بكتير اوى لدرجة انها فى فرح اختى كان زمايل اختى فى الشغل فاكرينها اختنا بس من كذا سنة لما بدأ موضوع الامراض دا بان عليها السن فجأة لكن رغم كده برضه شكلها اصغر من عمرها 10 سنين
اتمنى ميبانش عليا السن زيها قولى آمين : )
________________________
ياهانم اعملى جو سسينس زي ما يعجبك بس خدى بالك انا بصدق وبتقهر لما بطلع عبيطة : ))
وبمناسبة كلمة سمج
لما كنت فى الجامعة وحد يشتغلنى كنت اقوله ايه السماجة دددددى ؟ وكان حرف الدال بيطلع ممطوط اوى فكنت مشهورة بيها مووت بس دلوقتى بطلت اقولها ، و لما حد من اصحاب الجامعة يكلمنى دلوقتى واكون مش مركزة مين معايا يقولولى ايه السماجة دددددى فاعرف على طول انهم من شلة الجامعة السمجيين : ))
بس طبعا انتى خارج نطاق السماجة تماما
سلام ياباشا
كلام على بلاطة
وانت بخير
Sola
الحمد لله ان النيولوك عجبك بس انا قربت يجيلى حساسية من كتر ما ببص لها وشكلى هاجى البلوج بعد كده ماسكة فى ايدى هراشة : )
سلام يا باشا
Post a Comment