القُبلة القُبلة القُبلة
القبلة ان كانت للملهـوف
اللى على ورد الخد يلوف
ياخدها بدال الواحدة ألوف
ولا يسمــع للنـــاس كــلام
ولا يخشــى مــن النـــاس مــــلام
بمناسبة ان رمضان خلص بقى فأسمحولى أنحرف واتكلم فى موضوع أياااه كيسكيلياه
ألا وهو القُبلة او البوسة
ألا وهو القُبلة او البوسة
أوعوا حد يفهمنى غلط والله انا مُحرجة وانا بتكلم فى الموضوع دا بس انتو عارفين لما فكرة بتسخن فى دماغى بحط على وشى مَنخُل وادخل أتكلم على طوووول ولا يهمنى حاجة وعلى رأى عادل إمام لا حياء فى العلم لا حياء فى الدين لا حياء مع رجال البوليس
فيه ناس منكم هيقولو عليا عبيطة علشان ناس كتير شايفين ان القُبلة دى مجرد فاتح شهية او بداية طبيعية للى هايجى بعدها يعنى شىء لابد منه علشان الخطوة اللى بعدها
فيه مثل انجليزى بيقول
No fucking without kissing
لكن انا طول عمرى بشوف ان القبلة دى شىء كده مستقل بذاته ملوش علاقة بأى حاجة قبله ولا بعده ومش لازم بالنسبة لى انه يكون فيه أى حاجة بعده
يعنى مش لازم علشان ابوس حد نروح بعد كده نعمل علاقة جسدية
لكن انا ممكن ابوس اللى قدامى من غير مناسبة .. يعنى أحس انى عايزة ابوسه فأعاقبه وابوسه
بعتبر ان القُبلة تعبير عن احساسى فى الوقت دا سواء حب أو سعادة او إمتنان او بقوله انى بحبه بس من غير ما اقولها بالكلام
***
زماااان زماااان وانا زئردة فى المدرسة أعتقد فى ثانوى كنت قريت كتاب مترجم هو كان طبى وبرضه بيتكلم عن المشاكل الجنسية بس كان كتاب محترم مش من الكتب اياها
اللى علق فى دماغى من الكتاب كله كان فصل بيتكلم فيه عن القُبلة
والحتة اللى ركزت فيها أوى أوى كانت بتقول فيما معناه
إنك لو على علاقة بحد وحصلت بينكم قُبلة وحسيت إنك مش طاير من السعادة وان بوسته دى مخليتكش تنسى كل الدنيا ومتفتكرش غير فى طعم شفايفه
او انك تبقى مش مرتاح لنَفَسه وانت قريب منه ، ودا مش معناه انه مش بيغسل سنانه بالفرشاة قبل ما يبوسك لكن يقصد ان فيه نَفَس تحس انك بتحبه وعايز تفضل لازق فى وش اللى قدامك وعايز تتنفس حتى النَفَس اللى بيطلعه
وتلاقى روحك تلقائى بتقوله انا بحب نَفَسك أوى
وفيه حد تانى يبقى نَفَسه نضيف برضه بس انت مش بتحبه ومش عايز تقرب منه
لكن لو حد مقرف بقى يبقى تاخده من قفاه على الحمام وتقوله زي عبلة كامل فى فيلم سيداتى آنساتى إستحمى واغسل سنانك بالفرشاة كويس ولما يجى يبوسك إبقى اقعد شمشم فيه أو إلبس كمامة أضمن
على فكرة انا شخصيا بنى أدمة بقرف اوى اوى اوى وخصوصا فى موضوع النضافة الشخصية على رأى اصحابى بكيزة هانم
او انك تبقى مش مرتاح لنَفَسه وانت قريب منه ، ودا مش معناه انه مش بيغسل سنانه بالفرشاة قبل ما يبوسك لكن يقصد ان فيه نَفَس تحس انك بتحبه وعايز تفضل لازق فى وش اللى قدامك وعايز تتنفس حتى النَفَس اللى بيطلعه
وتلاقى روحك تلقائى بتقوله انا بحب نَفَسك أوى
وفيه حد تانى يبقى نَفَسه نضيف برضه بس انت مش بتحبه ومش عايز تقرب منه
لكن لو حد مقرف بقى يبقى تاخده من قفاه على الحمام وتقوله زي عبلة كامل فى فيلم سيداتى آنساتى إستحمى واغسل سنانك بالفرشاة كويس ولما يجى يبوسك إبقى اقعد شمشم فيه أو إلبس كمامة أضمن
على فكرة انا شخصيا بنى أدمة بقرف اوى اوى اوى وخصوصا فى موضوع النضافة الشخصية على رأى اصحابى بكيزة هانم
المهم علشان متتوهوش منى
الأخ المؤلف بقى قال لو اللى انت معاه محسيتش ناحيته بالاحاسيس اللى انا قلتها فوق دى
أوعى أوعى ترتبط بيه لانه هيكون إرتباط فاشل
ناس منكم هيقولو ايه الراجل الهايف دا ؟؟ يعنى هو ساب كل المشاكل اللى بين الناس ومسك فى البوسة ؟
بس لو ركزنا وفكرنا هنلاقى ان للقُبلة فى حد ذاتها لغة خاصة
لغة حوار ميفهماش غير أصحابها وبس
فاما تطلعهم السما او تدفنهم فى الارض
هو الحقيقة مش القبلُة بس اللى هتبوظ العلاقة بين طرفين ولا العلاقة الجنسية نفسها لكن هى شوية حاجات كده جنب بعضها إحتمال اتكلم فيهما بعدين
بس خلونا دلوقتى نركز فى القُبلة اللى هى موضوع البوست
انتو بقى القُبلة بتمثل لكم ايه ؟؟ وايه معناها فى حياتكم ؟
انا عايزة انهيار واعتراف كامل بالحقيقة وكل واحد يجيب معاه اتنين شهود مرتبهم ميقلش عن 86 جنيه
انتو بقى القُبلة بتمثل لكم ايه ؟؟ وايه معناها فى حياتكم ؟
انا عايزة انهيار واعتراف كامل بالحقيقة وكل واحد يجيب معاه اتنين شهود مرتبهم ميقلش عن 86 جنيه
25 comments:
bosy
kol sana wento tayebeeen,ha2ra el post ba2a o 2a3mel 2a7ed coffe mateen o gaya
bas ana lama7tek katba no fucking no kissing,i like this ideam thu
salam ya ottah
Hi Sama,
well for me kissig is an essential thing between me and my lover and as you said it is like a thermometer, if you loved it from her it means that you love her and vice versa,
w momkin amasheha boos all the day:) w mosh lazim ykon leha time mo7addad momkin w heya fe il kitchen aw miba7la2a 3eeniha fi il TV i will give it to her saying i love her in all conditions and in all the places w mosh lazim ykon waraha 3laqa kamla lini momkin i give it to her we7na fi ilshare3:)
atmana inhiyari gaweb so2alik:)
سما هانم
طيب مش تحطى يافطه للكبار فقط الاول نعمل حسبنا يعنى
بصى يا سما انا القبلة بتمثل اية بالنسبة لية هى اول وسائل التعبير عن العاطفة وعن الحب اللى بكنة لانسانة معينة فمعتقدتش انى حفكر اقبل انسانة انا مش بكن ليها اى عاطفة او مشاعر
سما
اولا كل سنه وانت طيبه
اما عن القبله فهي فعلا ملهاش علاقه بأي حاجه بعدها وفعلا تقدري تحسي اذا كان الطرف التاني ده حساه ولا لأ من نفسه هل فيه ألفة ودفئ و مخك استأذن وطلب اجازة او استقال احيانا ولا مش حسه أو بتفكري مثلا ها هنخلص امتي يبقي اكيد فيه حب لأنه الجنس فالأخر بيخلص لكن البوسه او ريحة نفس اللي بحبها عمرها ما هتتنسي الحقيقة كان نفسي اخد راحتي واستفيض بس كفاية احسن :)
بوست جميل
القبلة قالت فيها شيماء واجيبتيانا الكثير
فيما يعنينى .. أرى ان القبلة هى لغة حوار كيميائى راقية جدا .. ليس فقط بين حبيبين مغرمين ببعض .. بل بين اثنين عزيزين كل المعزة .. بين واحدة وابيها .. والعكس .. ان رأيتى طفل .. حينما تنجحين تودى لو قبلتى كل من حولك .. وكل اصدقائك
فى بلاد برة .. خدى بالك بلاد برة .. القبلة هى اجمل تحية بين رجل وامرأة .. ليسوا بالضرورة متزوجين .. بل اصدقاء
هى رسالة توحى بالحنان الذى نفتقده فى عالمنا .. دون ان ينسحب فكرك الى شئ آخر .. تفهمينى طبعا
اقول لك الحق .. احسدهم على ذلك .. واتمنى لولا علمى برأى الكثيرين مقدما .. لو انتشرت فى بلادنا .. بشرط الا يفهم ذلك على انه دعوة للفساد .. لانها فى رأيى دعوة للتحاب .. تنتهى عند كونها قبلة على الخد .. لااكثر .. غير انها تحتاج لناس غاية فى الرقة والأدب .. وهذا للأسف .. صعب وجوده
تحياتى
سمـــا
القبلــة بحر ليست له شطئان نبحر فيه بلا مجاديف نترك لامواجه كل الحق في مداعبتنا
القبلـة غطاء دافئ في ليل مثلج وقطرات مياه فاترة في يوم مشمس في كل الأحوال هي مأوي نندثر فيه كشريد يبحث عن الأمان
القبلـة كلمة وإحساس وأسطوره عشق
القبلـة ملاذ من صخب الحياة
وكل ذلك لمن يدرك معني قبلة الحب
أغصـــان
تحياتي
hagy tany
o guess what
hakteb comment b el 3araby ya bashar
salamoz
سمــا
أولا كل سنة و أنتى و حبيبتك ناردين بخير
ثانياً .. بوست جميل بعد صيام رمضان
:)
متقلقيش مش هنفهمك غلط هنفهمك صح على طول
:)
أنا طبعاً موافقاكى فى كل اللى قولتيه تقريباً
بس أنا ليا ملحوظة صغيرة بالنسبة للمقولة الإنجليزية
ألا وهى ...
It says :
No fucking without kissing
Let's analise it :))
It is absolutely right
because when two people make love they kiss and touch eachother
but not necessary when they kiss eachother to make love
Otherwise they would say :
No kissing without fucking
-------------------------------
الأغنية كمان حلوة أوى و كنت لسة بسمعها عندى
:)
و كمان الصور
بحييكى على الموضوع كله
بجد حلو أوى
أما بالنسبة للسؤال الأخير
هفهمو غلط و هعمل نفسى مش واخدة بالى
ههههههه
القبلة هى تواصل روحانى بين المحبين
هى لغة خاصة بينهم..لغة لايفهمها سواهما..شئ له مكنون سامى ونبيل
أسعدنى الموضوع ..وإن كان للكبار فقط ..يعنى تحطى جملة لايسمح بالدخول لأقل من 18 عام
ههههههههه
دمتى بكل خير..تحياتى
معلش وصلت متأخر وليه كام يوم بره الخدمة
بس اول حاجة كل سنة وانتوا طيبين وسلام لناردين كتير
بالنسبة للقبلة ففيه يا سما اغنية قديمة غنتها كل من
Dionne Warwick
Cher
اسمها
It's in his kiss
بتقول فيها ان الاغنية هى اكتر حاجة بتعكس الحب، هتلاقى الاغنية على يوتيوب يا سما، اسمعيها لان كلماتها فعلا ظريفة
وعلى حسب ما قرأت فى مجلة علمية محترمة جدا جدا بس مش فاكره اسمها ولا قريتها فين بتقول ان هناك فتيات ليل بترفض منح القبلة للمؤاخذه الزبون على اعتبار ان القبلة دى لحبيبها فقط اما جسمها فقط فهو للعميل!!!!!
وهى دى طبعا وجهة نظر تستاهل التفكير وهتريح ناس كتير!!!
يعنى عموما القبلة دى شىء مخصوص جدا
ـــــــــ
بالنسبة للصورة ذات الورقة الحمرا
طبعا انا مشكتش للحظة انها ممكن تكون صورتك يا سما لانها مختلفة عن صورة العين والشعر اللى انتى حطيتهم قبل كده، انا بس كنت باقول احتمال تكون صورة ناردين
ـــــــــــ
صورة الكلب هتنزل ومعاها تدوينة مخصوص ليكى بس مش لاقية دلوقتى الكابل اللى يوصل بين الكاميرا والكومبيوتر مع انه كان فى الدولاب امبارح، فهنزل التدوينة بكرة بعد اذنك
بس الكلب بلدى علشان ميبقاش عندك توقعات كبيرة يعنى
ــــــــــــــــــ
حكاية انى احط صورة الريموت لا اسمحيلى ده كتير قوى، مش ممكن حاجات خاصة كده تتحط صورها على النت لكل الناس ولا انا غلطانة؟؟!! لول
ـــــــــــــــــ
انا عايزة ابقى جد شوية واعلق على اللى انتى قلتيه بخصوص مامتك فى تعليق سابق ليكى وبجد احييكى على الموقف ده لان الام مفيش زيها ولو عملتى غير اللى انتى عملتيه كنتى هتحسى بندم وقت يمكن مكنش الندم ينفع
ربنا يخليهالك ويخليكى ليها
ــــــــــــــ
عدى عليه بكره متنسيش
اوكيه؟
الليل وسماه
الموضوع حلو و شدني اعلق انا مش مثلي لكن كل واحد من حقه يعيش بالطريقه اللي تريحه والموضوع ده خلاني حابب اشارك واحكيلكم حكايتي
انا كنت مرتبط بنت كانت كل حياتي
حبتها بس مكنتش فاهم مقدار حبي وفيوم اختلافنا والظلروف بعدتنا دون ذكر الاسباب لكن هي معوقات في منها احنا سببه و منها خارج عن ارادتنا
كان الحب بيننا مش تقليدي كنا عايشين قصه حب وعلاقه شبه كامله القبله بيننا كانت بتنسيني فعلا العالم من حوليا و تخدني لدنيا فيها هي و انا وبس
بعد ما انتهت العلاقه حاولت اعيش عادي لكن مقدرتش حاولت ادخل علافات تانيه مقدرتش لا احب ولا اعمل علاقه خاصه موضوع القبله ده حتى بعد ما اتجوزت وجوازي كان على الطريقه التقليديه والعائليه
بعد الجواز لقيت نفسي شخص تاني بمعنى الكلمه مش هقدر اخوض فالتفاصيل لكن اقدر اقول اني حسيت بعجز في علاقتي بزوجتي واني مبقدرش اقبلها ولا اعاشرها زي ما كنت مع حبيبتي
لدرجه اني شكيت اني حصل عندي خلل او مرض وحاولت اتعالج لكن الدكاتره قالوا انها مشكله نفسيه
حاولت اتغلب عليها لكن فشلت وطول السنين اللي بعدت فيها عن حبيبتي مكنتش بقدر اتخيل غيرها ولا افكر غير فيها و في يوم جمعتنا صدفه من يومها بدأنا نتكلم ونتقابل احيانا بدأت اقرب وفي مرة شائت الظروف اننا نتقابل في مكان لوحدنا و هي طبعا انت متحزة جدا طول الفتره اللي بدأنا نتكلم فيها لاني متجوز و هي مخطوبه لكن فقدنا التوازن و ضعفنا ولقيت نفسي بستعيد كل الاحاسيس والمشاعر اللي محسيتهاش من يوم ما بعدنا انا عارف انك ممكن تقولي اني خاين او بجري ورا شهوتي لكن مش ده اللي كنت عايزه الموضوع كان زي الاغنيه اللي انت حطاها بالظبط و فنفس الوقت حسيت قد ايه انا بحبها كاني عاقبت نفسي طول السنين دي اني مقدرش اكون مع غيرها لكن صدقيني انا مش عارف اعمل ايه ولا قادر ابعد ولا اقرب وحاسس بحاجات كتير تعبتني بعد الموقف ده طبعا هي رفضت تقابلني او حتى تكلمني وانا داخليا مش فاهم هي بتحبني ولا ده مجرد نزوة لكن اللي خلاني اقول القصه ان وانا ببوسها حسيت باحساس زمان وان الايام معدتش لا عليا ولا عليها ولا فيه بعد سنين حسيت بحب مش شهوة بس مش عارف اعمل ايه
اسف للاطاله
يوسف
سما انا بكتب بالعربي اهو و دا بجد صعب مووت عليا بس يالا عشان كدة تجيبولي 4 عصير قصب مش واحد
بصى يا ستي انا هقولك حاجة انا بست ولد و بست بنت تصوري ان فية فرق كبير اوي بين البستيين يعنى مع الولد لقيت البوسة مليانه desiresو لكن مع البنت بتكون مليانة حب هكتب بقي انجليزي عشان كدة انا بطيئة اوي
and to me the kiss is the bestthing ever i can live with a kiss and a hug thast it without the whole sexual part,when u kiss someone that u love u feel that u r in the same body when u hear her breath is like u have the world between ur hands,guess what i used to sleep and maha stay with me on mic she kept telling me that she likes to hear my breath while i am sleepiong,i swear 2 days ago she stayed with me 6 hours just to be with me while im sleeping,this girl is realy so good to me and soo good to be true.
and i have an openion when u said no fucking witout kissing
ya gmiel when its about fucking they dont kiss they just care about ur body and touching it they dont kiss at all,as when they fuck they care about sex only,but i think it should be no making love without kissing,its more realistic that way.......
as when u make love to the one u love u just wanna kiss every inch in her body her hands her feet her tommy her nick,all over her body,but when u fuck someone u just reach the orgasm and thats it
yalla ya gmiel
bye bye
howa feen nardeen
salamy leha
Sola
كل سنة وانتى طيبة يا جميل ومش عارفة انتى بتختفى فين اسبوع وبعدين تيجي تحنسينى انك هتعلقى بالعربى فافرح انا بقى وانشكح الاقيكى بتضحكى عليا وبتفرحينى بكام كلمة وبعدين تغدرى بيا وتتحولى تانى
يالا مش مشكلة انتى سولا امرى لله : ))
نرجع للتعليق يا باشا
انتى معاكى حق فعلا بوسة الراجل مختلفة عن الست لان مشاعر الست غير الراجل انا بشوف ان الست ارق وعندها احساس اكتر مش معنى كده ان الرجالة وحشين لكن انتى عارفة لولا اختلاف الاذواق لبارت النساء : ))
طبيعى ان لما بتبوسى حد بتحبيه احساسك هيكون مختلف تماما عن لما تبوسى حد مش بتحبيه ، لما بتبوسى حد مش بتحبي بتحس انك عايزة تقولى يالا بقى نخلص انتى هتنامى فى ايدى واللا ايه : )))
بمناسبة المقولة والله يا سولا يا اختى مش انا اللى مألفاها دا مثل انجليزى بيتقال كده زي ما انا قلته بس انتى طبعا وجهة نظرك صح جدا ان ممارسة الحب غير ممارسة الجنس تماما اينعم هما الاتنين فيهم مشاعر بس مشاعر عن مشاعر تفرق يعنى انى امارس الحب مع حد بحبه اكيد هبقى مستمتعة بكل ثانية فيها وهبقى مش عايزة حبيبتى تقوم من حضنى لكن لو مفيش حب هيبقى خلاص بقى مش فضيالك
ايه يا اختاه الوصف اللى انتى اندمجتى فيه دا .. احرجتينى : )))
ناردين اهى بس نامت فى ايدى قعدت تغنى وبعدين قالت لى ضاضاضاضا وبعدين شششششش ونامت : )))
حاضر اول ما تصحى هسلم لك عليها
تحياتى يا جميل ليكى انتى ومها
Dreamy
طبعا منورانى لاول مرة وان شالله متكونش الاخيرة
هههههههههههههه طيب كويس ماشيها بوس النهاردة وقولى لها فوتي علينا بكرة
طبعا انا بهرج هى فعلا القبلة اجمل مشاعر بين اتنين لانى بحس زي ما قلت انها مش مجرد ملامسة لكن حوار بكل المعانى
وجملة تديها بوسة وهى المطبخ او مبحلقة عينيها فى التليفزيون فناردين دايما تعملها فيا وخصوصا وانا مذبهلة فى التليفزيون او وانا بعيط فى السينما وساعات انا اقف اطبخ وهى تحط كرسى جنبى وتقعد تذاكر فانا بقى استغلها واقول لها قطعيلى الطمطماية دى يا نونو وطبعا المقابل بيكون رشوة : ))
انتى بتبوسى حبيبتك فى الشارع هنا فى مصر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
شفتينى وانا بديلك 900 علامة استفهام
منورة يا فندم
سعادة الريس
أيوة المفروض البوست دا للكبار فقط وكمان للستات ازاى تدخل من غير ما تتنحنح مش ممكن حد من الحريم خالع راسه ؟؟ : )))
كل سنة وانت طيب يا محمود وحمد الله على السلامة من فترة النقاهة
طبعا انا عارفة انت قد ايه مشاعرك رقيقة وشخصية فعلا جميلة فطبيعى يا فندم ان مشاعرك دى هتترجم للغة خاصة مع حبيبتك
ربنا يسعدك يا قمر ومنورنى دايما
مثلية تبحث عن ذاتها
وانتى طيبة يا جميل وعيد سعيد عليكى
طبعا زي ما قلتى القبلة ملهاش اى علاقة بأى حاجة واذا عند اول بوسة الاستقالة متقدمتش غالبا بيطلع كارت احمر وطرد من الملعب : ))
واكيد نفس الحبيب بالنسبة لنا بيكون مميز ومحبب وانا على فكرة شكلى كاتبة البوست علشان انا اللى اتحرج وانا برد على التعليقات : )))
سلام يا فندم
Sheriff
بصراحة انا من قراء ايجبتيانا من زماااااااااان حتى لو معلقتش لكن معرفش شيماء
طبعا انا معاك فى رأيك ان القبلة تعبير عام عن المشاعر ودفئها ايا كان نوعها ومش شرط ابدا انها تكون بين المحبين بدليل انى قلت انها تعبير عن احساسى وقتها سواء حب او امتنان او اقول لشخص انى بعزه اوى من غير ما اقولها بالكلام لان احيانا المشاعر بتوصل اسرع واسهل من الكلام
وبالنسبة للاجانب فهما طبعا ناس عندهم وعى اللى بيميزهم حتى قبل الاخلاق لكن هنا لو حتى شفت واحدة فى مكان عام داخلة تسلم على اصحابها االولاد وباسو بعض من خدهم هيتقال عليها منحرفة لان مفيش وعى وفى نفس الوقت مش بنشوف غير السىء ولازم نحور كل موقف او فعل لقصة وحوار اللى انا دايما بسميه حوارات حريم على الشلتة
منورنى دايما يا شريف
أغصان
والله يا اغصان انتى كلامك رقيق وجميل ومعبر وخسارة انك مش عاملة بلوج خاص بيكى
يالا اتمنى اشوفك فاتحة بلوج خاص بيكى قريب حتى يا ستى علشان نتعرف عليكى اكتر
خالص الود
Happy Hope
كل سنة وانتى وحبيبتك طيبين يا قمر
ايوة بوست يعاقب عليه القانون انا قلت اديلكم العدية بشكل مختلف واحرجكم والبس المنخل واجى بس المنخل وقع الحمد لله وكله قال اللى فى نفسه : ))
انا معاكى فى رأيك ودا اللى انا قلته فى البوست ان البوسة ملهاش علاقة بأى حاجة يعنى مش لازم علشان ابوس حد لازم نكمل ونوصل السرير لان البوسة فى حد ذاتها احساس جميل ممكن يخلينى فى حالة من السعادة العلاقة الجسدية متقدرش تخلينى نوصل لها
والمفروض الجملة تكون مش
No fucking without kissing
لكن لازم تبقى
No kissing without love
Or
This will be only Sex Appetizer
ايه الناس اللى هربت من السؤال دى ؟؟ لااااااااااا ارجعى للخلف درر يا انسة وجاوبى : ))
د/ رامى شهاب الدين
منور البلوج طبعا لاول مرة واتمنى متكونش الاخيرة
انا هقولك زي محمد صبحى الوقت دا للبناااااات بس
يعنى المفروض تخبط قبل ما تدخل وترفع منديل ابيض تشاور بيه وانا اقولك طلع بطاقتك يا استاذ لو سمحت : )))
خالص الود
Beram El Masry
وعليكم السلام يا سيد بيرم
على ما اعتقد انا فعلا عاملة بنصيحتك انت وصديقك ومختارة اسم مدونة لايق على طبيعة المواضيع وكمان شخصيتى
تحياتى
Blackcairorose
كل سنة وانتى طيبة يا جميل وانتى فعلا جيتى متأخرة مش معقول كده المرة الجاية التأخير هدفعك عليه فلوس واعمل من وراكى ثروة
اوعدك اسمع الغنوة بس ادعى النت ربنا يشفيه مطلع عينى وطبعا اليوتيوب هيبقى ميت لو شغلته دايل اب
ايوة موضوع فتيات الليل والقبلة دى حقيقة وانا قريت عن الموضوع دا برضه واتذكر فى اكتر من فيلم اجنبى زي
Pretty Woman
واللى اتعمل منه نسخة عربى باسم "الجينز" بطولة جالا فهمى وفاروق الفيشاوى واتذكرت الجملة دى صراحة فى الفيلم لما صاحبتها ذاكرتها فى الاوتيل اللى كانت مقيمة فيه مع "الزبون" بلغتهم وسألتها صراحة اذا كانت "باسته من بوقه" فقالت لها ايوة .. فصاحبتها اقرت انها اول مرة تبوس زبون ودا معناه فى مهنتهم انها بتحبه
___________________
بالنسبة للصورة ذات الورقة الحمرا
الصورة مش لناردين برضه بس ناردين وشها طفولى وبرىء ودايما اقول لها انها شكلها يدوبك واحدة هربانة من تانية اعدادى وهى بتعتبر دا غلاسة منى مع انى بشوف ان دى ميزة فيها ان الانسان ميبانش عليه العمر وكمان الملامح البريئة دى قصة تانية وانا العكس ملامحى حادة وغجرية على رأيها بس برضه الحمد لله شكلى اصغر من سنى برضه وانتى كمان اعتقد انك قلتى قبل كده ان سنك مش باين عليكى فدى حاجة حلوة خصوصا فى الستات : )
___________________
لا يا فندم الا صورة الريموت دى اعراض اجهزة كهربائية متنفعش تبقى عرضة كده لعيون الناس :))
___________________
بس مقلتيش برضه رسيتى على ايه فى اسم البوبى ؟ انا زمان كان عندى كلبة وولف كنت مسمياها روبى فلو كان البوبى بتاعك بنت كنت سلفتك الاسم
بالنسبة لاختيار اسم له فا لاكى جميل واسم سيزر جميل اوى برضه واحتمال انا زي ما قلت لك ميالة لسيزر يمكن علشان بحس فيه قوة مش لانه له علاقة بقيصر لكن الاسم نفسه بحس فيه بالقوة
انتى اختارى اى واحد فيهم واكيد هيبقى حلو
تحياتى يا قمر
يوسف
انا قريت قصتك وهى فى نظرى مكررة مع اختلاف الظروف والشخصيات
واغلبها بيكون مواقف اهل
لكن فى حالتك بصراحة انا مش فاهمة ايه مشكلتكم وليه متجوزتوش ؟؟ انت قلت انك مش هتقدر تقول الاسباب والتفاصيل بس انا كمان صعب احكم على موضوع معرفش كل جوانبه من الطرفين
لكن بناء على كلامك
انا شايفة ان فيه حاجة غلط بينكم معرفش هى ايه انت بتقول انك حبيتها بجد بس انا معتقدش بدليل انك حتى اتجوزت قبلها هى لسة مخطوبة
يعنى انت طالما كانت عندك الامكانية انك تتجوز فالطبيعى انك كنت تتجوزها هى ايا كانت الظروق لكن انت اتجوزت غيرها وطالما ارتبطت بواحدة تانية بكامل ارادتك يعنى اكيد محدش ارغم
فأكيد مش من حقك انك ترجع حياتها تانى بأى صورة لانك مبقتش لوحدك انت فى حياتك زوجة واحتمال اولاد كمان وهى فى حياتها خطيب برضه ملوش علاقة بحكايتكم السابقة
ولو انت مقدرتش تحترم مراتك فى انك تحاول ترجع علاقة مع حبيبتك السابقة فعلى الاقل سيبها هى تحترم علاقتها بخطيبها
لكن دلوقتى لما قابلتها صدفة عايز ترجع الاحاسيس اللى فاتت فوق مشاعر مراتك وخطيبها ودا انا مش هقدر اقولك انا بشوفه ايه
بس انا اعتقد هروبها دا هو احسن حاجة عملتها وانا شخصيا محبذش انك تسعى انك ترجع حياتها تانى بأى صورة
واضح انها فاقت وعرفت ان اللى بينكم غلط علشان كده اختفت وبعدت ودا حاجة انا احترمتها فيها
ويمكن تكون اكتشفت انها مبقتش بتحبك زي زمان وان كل اللى حصل مجرد حلاوة روح لذكريات خلاص خلصت
وانا دايما بقول اللى بيروح عمره ما بيرجع تانى
حاول تحترم مراتك وركز فى حياتك وسيبها هى كمان لخطيبها وخليها تعيش حياتها
واقفل صفحة الماضى لان مينفعش اننا نعيش حياتها على جثث ناس تانيين
واتمنى انك متزعلش منى .. انت حكيت لى وانا مش بعرف اجامل ولا بعرف اشجع على حاجة انا شايفاها غلط مليون فى المية
حتى لو كانت اسمى مشاعر فى الدنيا وهى الحب
نورتنى
Post a Comment